Aðfangadagur

Runninn er upp aðfangadagur jóla, strákarnir horfa á teiknimyndir, mamma er að fara að sjóða möndlugrautinn, sumir sofa og aðrir eru í vinnunni. Allt yndislegt nema........snjórinn er FARINN!! Það er 8° hiti, úti eru nokkrir svellbunkar eftir og flughált. Ég er hætt að koma hingað um jólin! Það er ekki spáð úrkomu marga næstu daga. Ég ætlaði svo að fara að renna mér og jafnvel á skíði. Auðvitað er yndislegt að vera hérna í faðmi fjölskyldunnar EN mig langar svooo í snjó (hef ég minnst á það áður??) Úti er líka allt svo grátt og ljótt, það er líka hvasst í þokkabót. Ég vaknaði um miðja nótt við hávaðann í vindinum. Hvað það er hægt að láta veðrið fara í taugarnar á manni.

Ætli ég kíki ekki aðeins í bæinn á eftir. Búðir opnar milli 10 og 12. Verst að veðrið býðir ekki upp á það að njóta þess að labba í bæinn....oh, veðrið enn eina ferðina.

Mánudagurinn fór næstum því allur í verkefni sem við systkinin erum að gera. Algert leyndamál svo ég segi ekkert meir. Mamma var með skötuveislu handa tveim systkinum sínum og húsið var því angandi allan daginn, jakkinn minn og buxurnar líka, oj oj oj. Ég át pylsur.
Gærdagurinn fór í búðarráp, át, meira búðarráp, innpökkun á gjöfum ofl. Um kvöldið horfðum við svo á Borat, jólaleg mynd eða þannig.

Gleymdi alveg að segja að ferðalagið gekk mjög vel. Við fórum reyndar ekki af stað kl. 8 til Frankfurt eins og ég vildi heldur þurfti elsku Seydi endilega að skrifa nokkra reikninga þarna um morguninn. Við lögðum af stað kl. 9:15!!! Ég kominn með í magann en ferðalagið til FRA gekk svo vel að við vorum ekki 2 tíma þangað, þrátt fyrir þoku í Sauerland. Það var engin röð í inntékkun, Seydi fór svo og lagði bílnum og svo þegar hann kom fórum við í tollskoðun. Ég varð að láta þukla á mér, fara úr skónum m.a.s. Seydi og strákarnir voru komnir í gegn og ég heyri að Seydi segir "konan mín hefur sett þetta í töskuna".......ég skildi ekkert EN þegar ég kom til strákanna kom í ljós að Seydi var með HNÍF í bakpokanum sínum!!!!!!!!!! Ég hafði sett hann með til að skera niður pylsu á leiðinni. Gleymdi alveg að minnast á það við Seydi greyið og hann, svona krimmalegur, fór með hníf í tollskoðun! Ég sagði ykkur að ég myndi gleyma heilanum. Sem betur fer var tollskoðarinn rosa almennilegur ungur maður sem brosti bara þegar ég sagðist þá bara bíta í pylsuna :) Heppin við. Eftir þetta gekk allt eins og í sögu, flugið var reyndar í lengra lagi, alveg 3 og hálfur tími en strákarnir voru eins og ljós. Einar kom og náði í okkur á völlinn og við fengum gott í gogginn hjá honum og Helgu. Hún bjó til kakó handa okkur og bauð upp á fínasta bakkelsi. Einar skutlaði okkur svo í borgina og við flugum á Eyrina þar sem Unnur tók á móti okkur í fallegu vetrarveðri og snjó.........sem er farinn :(

Óska ykkur öllum gleðilegrar hátíðar og takk fyrir góðar bloggstundir. Læt heyra í mér fljótlega.

Jólakveðja

Jólin, jólin, jólin koma brátt

Já er það ekki bara? Jólin er aaaaalveg að koma, við líka. Innrás eftir 2 daga. Eins gott að það geri engin djúp lægð innrás! Ég kíki á veðurspána á hverjum degi, ef ekki oft á dag. Lítur bara ágætlega út. Lítur jafnvel út fyrir snjó í Keflavík!!! Það er nú ekkert alltaf þegar ég kem á Frón. Spurning hvort það sé nægur snjór til að upplifa þessa hitabylgju sem á að koma á Þorláksmessu?? Það eru aldeilis sveiflur í gangi.

Ég er búin að pakka næstum því öllu fyrir strákana og mig. Er búin að pakka smá fyrir Seydi en hann verður nú samt að ákveða hvaða skyrtur hann tekur með. Mér tókst að eyða pening í vikunni, fór bæði í H&M og Decathlon (íþróttabúð). Keypti mér aðrar náttbuxur, jólapeysur á gaurana, langermabol á mig, húfu á mig, kuldaskó á Julian, flísvesti á mig og....hmmm gleymi ég einhverju? Ég á eftir að gleyma passanum mínum, ég get svarið það! Eða bara heilanum.

Meira vesenið í dag. Ég ætlaði að opna bankareikning í Postbank (sem er því miður á pósthúsinu og því laaaaangar raðir). Nú ég fer þarna en þá þurfa þeir vottorð um að ég búi á Halterner Str. Ég vissi að ég ætti þannig heima svo ég fór aftur áður en ég náði í Henrik. En nei, þetta vottorð mátti ekki vera eldra en 6 mánaða! Andskotinn hafi það, ég er með bankareikning annars staðar, ég fæ póst frá ýmsum stofnunum osfrv. osfrv. Er ekki hægt að sjá það að ég búi þarna???? Og það sem meira er, kallinn sem ég talaði við fyrst minntist ekkert á að vottorðið yrði að vera nýtt og auðvitað lokar skráningarskrifstofan SNEMMA á föstudögum. Gleymum þessu bara........

Bärbel vinkona ætlar að líta við í kaffi á eftir. Ég fjárfesti í jarðarberjarúllu handa okkur. Á svo líka slatta af smákökum. Við ætluðum eiginlega á innileikvöllinn en þar sem Florian var veikur alla vikuna er hann enn hálf slappur. Frestum því fram í janúar. Gott að vera bara í rólegheitum heima. Nenni eiginlega ekki í afmæli til Demien á morgun en ætli maður skreppi ekki í smá stund allavega. Seydi mun örugglega ekki hafa tíma til að heimsækja bróðurson sinn. Best að láta Seydi ákveða hvaða skyrtur hann vill fara með, já og peysur og ég hendi því í tösku. Verst að kallinn á enga kuldaskó! Ætli einhver geti lánað honum þannig grip? Hann notar nr. 43. Ekki hægt að vera á "blænkskóm" öll jólin.

Ég gæti haldið endalaust áfram en læt þetta duga í dag. Skrifa kannski eitthvað í ath.semdirnar á morgun. Fylgist með :)

Sjáumst svo bara. Evran komin aftur í 170! Frábært fyrir mig. Mér leist ekkert á það þegar hún "datt" í rúmlega 140 í síðustu viku.

Knús

Skafað í ís

Kominn tími til að blogga, ég held það bara.

Það var kalt í morgun, það kalt að ég hefði þurft að skafa af bílnum. Ég sá það þegar ég fór með Julian í skólann. Ákvað því að fara aðeins fyrr niður, nú ef ekki væri fyrir Seydi þessa elsku. Hann hringdi í mig þegar ég var komin í skóna (hann fór fyrr úr húsi) og sagði mér að það væri hált (ég var búin að segja honum það) og að hann væri búinn að skafa rúðurnar fyrir mig :) Gott mál hugsaði ég. Þegar ég kem niður er búið að skafa allar rúður........nema eina! Á henni stendur "Ich liebe dich Inga" með hjarta utan um!!! Ég viðurkenni nú að mér varð hlýtt um hjartað. Seydi er nú ekki vanur að vera rómantískur en að láta sér detta þetta í hug. Ekki halda að við höfum verið að rífast eitthvað og hann hafi þurft að afsaka sig eða eitthvað þannig, nei nei. Kom skemmtilega á óvart. Því miður þurfti ég að skafa þetta af........var hliðarrúðan bílstjóramegin. Annars hefði ég ekki séð neitt út og með opna rúðu í 1° hita (kulda) vildi ég ekki keyra.

Nú eru bara 6 dagar í Íslandsferðina. Ég er búin að koma jólakortum í póst (nema einu) og jólagjafir safna ryki uppi á skáp. Spurning um að fara að koma þeim í tösku......æi nei, þá er taskan bara fyrir mér og ég veit alveg að ég er enga stund að pakka niður. Samt þarf ég alltaf að velta því fyrir mér hvað ég taki nú með, hmmmmmmm, tek ég þennan bol með, tek ég þessa peysu með, þessar buxur osfrv. osfrv. Ég tek allavega skíðabuxur og úlpu með, passann minn, VISA kortið, myndavélina og E-miðana í flugin. Er að hugsa um að skella mér í bæinn á miðvikudagsmorguninn og kíkja smáááááá í H&M, kannski sé ég eitthvað sem mig nauðsynlega vantar........Ætla líka að kíkja á jólapeysur á strákana.

Sultan mágkona kom með krakkana í heimsókn í dag. Herbergi strákanna er því eins og eftir loftárás........Playmobil hér, Lego þar, bangsar allsstaðar! Það reddast. Ætla að fara að hita tortellini og gera jógúrtsósu með. Fljótlegur og góður matur.

Segi því bæ í bili. Skrifa allavega einu sinni áður en við komum.

Jólasögur

Undanfarna daga hef ég sogið í mig sögurnar um jól í öðrum löndum á 640.is. Gaman að sjá hvað aðrir hafa upplifað. Gaman að bera það saman við jólin sem ég hef upplifað erlendis. Reyndar hefur enginn skrifað um jól í Noregi ennþá en nokkrir frá USA og Huld Hafliða hér frá Þýskalandi.

Ég er svo sammála henni um að fólk eigi að njóta aðventunnar betur. Hérna er aðventan mjög mikilvæg og aðventurkransar ómissandi. Reyndar er ekki skreytt eins mikið í gluggum og á Íslandi eða í USA en það hefur samt aukist mikið síðan að ég kom hingað fyrir 14 árum. Samt finnst mér eitthvað minna um jólaljós í ár, kannski að kreppan segi til sín? Þýsku jólamarkaðarnir eru heimsfrægir en einnig eru fallegir jólamarkaðir í öðrum löndum eins og t.d. í Austurríki, Slóveníu eða Belgíu.

Ég ætlaði að vera dugleg og fara á einhver jólamarkað, í stórri borg hér í kring, fyrir jólin en þar sem veikindin komu upp veit ég ekki hvort ég næ því. Ætlaði líka í einhverja stóra verslunamiðstöð til að skoða jólaskreytingar með strákunum en hef ekki komið því í verk ennþá.

Ekki geri ég það í dag því að Henrik fer í talkennslu í dag. Hann þarf allavega 10 tíma í viðbót. Sjáum svo til hvernig gengur eftir þá.

Heilsan er ágæt. Mér var samt hrikalega kalt í gær en það er svo rakt loftið hérna svo að kuldinn smýgur inn í merg og bein, brrrrrrrrrrr. Var líka voða þreytt í augunum og Julian leið svipað! Kannski eitthvað í loftinu úti?! Í dag er allavega kaldara en á Íslandi. En ég er allavega ekki með stíflaðar nefholur lengur og maginn er búinn að tæma sig og ná sér. Gat m.a.s. borðað smá súkkulaði í gær ;)

Fórum til tengdó í gærkvöld en á mánudaginn byrjaði 4ra daga fórnarhátíð múslíma og þá er siður að heimsækja ættingja og vini. Við sögðum við strákana að þetta væru jól dede og babaanne (tyrkn. afa og ömmu). Strákarnir fengu 10 € hvor frá afa sínum. Ég sagði Julian að fara með þennan seðil til Íslands og þá fengi hann meira en þúsund krónur fyrir hann :) Gæti farið oft í Kaskó og keypt bland í poka. Tengdamamma er slök, voða þreytt og sljó. Hefur meiri áhyggjur af okkar heilsufari heldur en eigin. Seydi verður bara að fara eyða meira tíma með henni, hann sagði það líka í morgun. Vona að hann standi við það en er ansi hrædd um að lítið verði úr því. Nóg að gera á verkstæðinu og vinnumaðurinn hálfgerður ónytjungur, því miður. Ljótt að segja það en það er staðreynd. Sennilega hættir hann í janúar og þá verðum við að finna einhvern nýjan. Ekki auðvelt að finna almennilega vinnukrafta þrátt fyrir atvinnuleysi. Fyrir marga er vooooooðalega þægilegt að vera bara heima, fá leiguna borgaða frá ríkinu, "vasapening" fyrir mat og öðrum nauðsynjum og jafnvel vinna svart! Það gera reyndar ekkert allir og MARGIR þurfa virkilega á hjálp að halda en ég þekki nógu mörg önnur dæmi........... Það eru alltaf tvær hliðar á félagslega kerfinu.

Ég verð að fara að koma jólakortunum í póst. Julian er ekkert spenntur fyrir því að labba í bæinn en við hefðum tíma þangað til Henrik kemur úr leikskólanum. Sé til hvort ég get "platað" hann með mér.

Knús og kveðjur

Ætla að reyna að koma nokkrum orðum niður en ég er rísa úr rekkju eftir ansi mikil veikindi, á minn mælikvarða allavega. Töflurnar mínar góðu, við nefholustíflum, virkuðu ekki nógu vel svo að ég fór til læknis á föstudaginn enda alveg að drepast í hausnum á fimmtudaginn. Sérstaklega vont þegar sársaukinn leiðir niður í tennur :/ Svo ældi ég líka á fimmtudagskvöldið, bara si svona. Læknirinn var ekki lengi að sjá að það var sýking í nefholum og lét mig hafa fúggalyf, nefdropa og slímlosandi lyf. Ég lá alveg fyrir á föstudaginn, gat engu sinnt og fengu strákarnir að leika lausum hala hérna heima.........Julian reyndar ryksugaði fyrir mig hér rétt í stofunni. Ég lá ýmist hér á sófanum eða inni í rúmi, alveg að drepast og hélt engu niðri. Tókst samt að taka þessi lyf þrátt fyrir að eiga að taka þetta slímlosandi eftir máltíð.......engin var máltíðin en ég tók það samt. Síðasti skammturinn kom þó upp aftur! Um kvöldið gat ég drukkið áður en ég fór að sofa svo það leit ekkert illa út um að mér væri að batna. Var svona ágæt í gær, gat borðað en lá mest fyrir og verður illt ef ég hugsa um að borða t.d. nammi eða drekka bjór. Get heldur ekki hugsað mér að borða kjöt eins og er. Það lagast vonandi fyrir jól. Er ágæt í dag, get samt ekki borðað neitt almennilega og er með verk í maganum. Líður samt loksins eins og manneskju en ekki einhverju hrúgaldi sem vafrar hér um eins og bogin norn. Alger horror. Seydi fór með strákana út að borða í gær svo ég gat slakað á, það var gott. Gleymdi ég að segja að ég er enn með hausverk.........en eins og ég segi, þetta er allt að koma og ég ætlaði sko ekki að hafa þetta svona langt!

Gleðilegan 2. í aðventu (er það kannski skrifað með stóru A´i?)
Afsakið ef það eru villur, ég er ekki alveg með öllu mjalla ennþá.............
Knús

Og já, eitt í viðbót. Eitt gott við svona veikindi.........ég hef lést um 1,5 kg! Þau koma reyndar strax aftur þegar ég fer að borða venjulega. Samt gaman að sjá aðra tölu fyrir framan á vigtinni ;)

Neglur, veikindi og annað.....

Oh, ég sem var búin að safna svona líka fínum nöglum til að vera pæja á jólunum. Núna er þær flestar brotnar :( Það er svona þegar maður nagaði neglurnar árum saman, það er ekki farið nógu varlega við hitt og þetta. Ég er alltaf rekandi neglurnar í allt sem fyrir er, veggi, borð, strákana, bara allt. Núna á ég 3 hálfar neglur eftir, 4 mini neglur og 2 alveg niðrí kviku. Nei, ég verð engin pæja á jólunum.

Við erum ekki alveg búin að ná okkur úr veikindum mæðgin. Ég enn hálf sljó í hausnum, Julian með smá hósta og Henrik kominn með hósta. Í fyrrinótt var Henrik "góður" og ég vaknaði í djúpum skít daginn eftir! Ég kem fram á bað og þar liggur náttgallinn hans útskitinn, baðteppið með skítarendur og eitt handklæði líka......
JE MINN EINI,"hvað kom fyrir????", hugsa ég. Ég fer inn í herbergi þar sem bræður sváfu saman á gólfinu. Þar liggur litla dýrið, nakið og steinsofandi. Smá kúkaslettur hér og þar á sængum og púðum. En ekkert á dýrinu sjálfu??? Hann hefur þvegið sér svona vel þarna um nóttina en var ekkert að vekja mömmu sína, nei nei. Svo sjálfstæður þessi drengur....... Það fór sem sagt allur gærdagurinn í það að þrífa, þvo, lofta út, spreyja góðri lykt osfrv. Henrik fór því ekkert í leikskólann. Julian var það hress að hann fór í skólann, mátti bara ekki fara í íþróttir. Verst að nefið má mér virkar ekki alveg þessa dagana, það getur vel verið að það sé enn skítafýla í íbúðinni?! Þetta var lífsreynsla sem mig langar ekkert til að endurtaka.......

Fór með Henrik í vinnuna í dag. Keyrði til Dorsten í einhverri þoku, svo sljó eitthvað. Þreif aðeins, setti upp jólaskraut, þvoði vél og skráði svo einn bíl þegar ég var búin að ná í Julian. Klukkan þrjú fer ég svo með strákana til læknis. Átti að mæta með Julian til að láta hlusta hann aftur og ætla líka að láta líta á hóstann í Henrik. Ætla svo að koma við hjá kjúklingasölumanninum, sem stendur hérna í götunni á þriðjudögum, og kaupa mér grillaðan kjúlla. Fínt að þurfa ekki að elda.

Í dag birti bara ekki almennilega. Voða dimmt yfir og annað slagið alveg svört ský með rigningu. Hitinn er um 5° og á að vera svipað næstu daga. Drungalegt og niðurdrepandi veður. Ég læsi mig bara inni með jólaljósin og hef það notalegt. Gæti nú haldið áfram að lesa bók eftir Yrsu Sig. Bärbel gaf mér hana, hún er sem sagt á þýsku. Byrjar allavega vel. Minnir að hún heiti "Þriðja táknið" á ísl.

Eftir 3 vikur verð ég komin í faðm fjölskyldunnar og kominn Þorláksmessa. Verð að muna að skrifa á umslögin fyrir jólakortin sem eiga að fara í póst......kominn tími á það held ég.

Jæja, best að fara að skeina og labba svo til dokksa.
Knús

Jæja

Nú ætti netið að vera komið í lag. Símalínan var víst ekki upp á sitt besta svona miðað við hvað margir eru komnir með DSL net og svona dót. Símaviðgerðarkallinn þurfti ekki einu sinni að koma í hús, til að laga, heldur hringdi bara í morgun, sagðist sjá að lína væri eitthvað "léleg" og kippti þessu í lag. Nú vona ég bara hið besta en get ekki hætt að líta á ljósið sem blikkaði stundum rautt...... er með einhverja paranoju að það fari að blikka aftur.

Strákarnir eru hálf slappir ennþá. Julian fékk lyf við bronkítis, læknirinn sagði að það gæti gert hann órólegan. Henrik fékk bara einn stíl í gær en hann borðaði ekkert. Gat borðað hálft rúnstykki í morgun og virðist vera að hressast. Er allavega farinn að rífa kjaft eins og honum einum er lagið!

Ég sjálf er frekar slök. Er með hálsbólgu, illt í hausnum og slöpp í kroppnum. Nenni samt ekki að fá flensu, nei bara engan veginn. Ætlaði að fara á verkstæðið að skrifa nokkra reikninga í dag en það er betra fyrir okkur þrjú að vera bara heima og slaka á. Skrifa blogg og svona líka ;)

Ég þurfti samt að þrífa stigaganginn áðan, setti í vél og setti upp seríur úti. Uppþvottavélin er líka búin að ganga í dag. Mér þykir alveg MEGA leiðinlegt að taka úr henni........sérstaklega hnífapörin. Je hvað mér þykir það ömurlega leiðinlegt. Næstum því jafn leiðinlegt og að strauja en ég drullaðist til að strauja einn jóladúk í morgun.

Nú er sólin farin að glenna sig eitthvað, annars er frekar "nóvemberlegt" veður eða þungbúið og frekar kalt. Mér sýnist vera jólalegt á Norðurlandinu allavega, snjór og alles.

Ætla að vona að Seydi kaupi eitthvað í matinn, annað hvort eitthvað til að elda eða tilbúið. En nú væri kannski best að gera einhvern hádegismat handa okkur þremur. Best að steikja soðnu kartöflurnar frá því í gær og henda á þeim eggjum, þ.e. ef ég á egg???? Veit það bara ekki, held ekki. Kannski ég setji bara dósasúpu í pott og hiti. Ég finn eitthvað.

Best að lesa yfir þetta blogg, mér finnst ég hálf dauð í hausnum, gæti verið að rugla heldur mikið!

Góða helgi

Smá örblogg áður en netið dettur aftur út......já það virkaði vel í nokkra daga en í gær datt það allt í einu út. Rautt ljós á einhverju tæki og allt dautt. Svo hoppar það inn aftur. Ég var svo pirruð að ég hringdi í símafyrirtækið og það kemur einhver tæknikall á morgun. Líta á línuna, virðist vera eitthvað óstabíl. Sjáum til. Vonandi getur hann komið þessu í lag fyrir fullt og allt.

Henrik er veikur, gubbaði í gær og það ekkert smá, bara eins og í "The Exorcist". Ég mátti þrífa hér baðherbergið rúmlega átta í gærkveldi. Hann er slappur núna en ekkert lasinn, smá hausverkur bara. Veit ekki hvort hann getur farið að syngja í dag, sjáum til með það líka.

Veðrið er fínt, skýjað logn og 5° hiti. Ekkert jólalegt svo sem en þurrt.

Góða helgi kæru lesendur.

Í dag dreif ég í því að setja upp aðventuljósið, seríu í stofuna og stjörnuna í eldhúsgluggann. Julian stakk upp á því að við næðum í jóladótið upp á loft og því drifum við í því þegar hann var búinn í skólanum. Það var mjög spennandi fyrir hann að skoða dótið og hann tók sig til og setti nokkrar myndir í gluggann í herbergi hans og Henriks. Lestin með batteríinu er mjög spennandi og einnig syngjandi elgurinn :) Alltaf jafn gaman að taka upp jóladótið.

Fyrst af öllu fór ég samt í göngutúr. Tók pósthúsið og bæinn með í leiðinni. Keypti smá jólaskraut og annað mis nauðsynlegt. Kom því klifjum búin að ná í Julian í skólann. Það var ansi kalt í morgun en komið í um 5° núna. Snjórinn er að mestu farinn, því miður. Ég bjóst heldur ekkert við því að hann lægi lengi á.

Evran komin í rúmlega 180 krónur! Frábært fyrir mig, fáránlegt fyrir ykkur sem búa á Íslandi. Það verður bara gaman að fara í búðir á Íslandi, margt billegra en nokkru sinnum áður.

Verður ekki lengra að sinni. Þarf með Henrik í talkennslu. Skrepp í Aldi á meðan. Fínt að hafa búðina svona við hliðina á talkennslunni. Annars er fínt að sitja bara og bíða, skoða slúðurblöð og annað. Gæti rekist á kunnuleg andlit aftur. Fyrir nokkru var aftur grein um Ísland, þ.e. Lundann.

Verið sæl að sinni

Myndir ofl.

Smá myndablogg frá mér í dag. Hér er allt hvítt.......já, þið lásuð rétt HVÍTT. Ég myndi segja um 15 cm jafnfallinn snjór. Og það snjóar enn. Passar vel að jólamarkaðurinn opnar í dag :) Við Bärbel ætlum að labba með strákana í bókasafnið í dag og kannski búa til snjókalla á leiðinni. Vá hvað það er jólalegt að líta útum gluggann. Íbúðin er svo mikið bjartari en vanalega. Öll tré eru hvít því að snjórinn er það blautur að hann límist á allar greinarnar. Jæja, ég lofaði myndum:

Ég fór í gönguferð á miðvikudaginn og þá leit allt svona út. Stuttu seinna rigndi.

Í fyrradag leit himininn í Dorsten frekar dökkur út

Í dag leit veröldin hér svona út. "Winter wonderland"

Snjókveðja

Föstudagur

Þolinmæðin gengur fínt, mætti vera betri því að netið er að stríða mér þessa dagana og það er pirrandi. Ég er orðin ráðalaus, stundum kemst á netið, stundum ekki, eitthvað rautt ljós á DSL tækinu blikkar og ekkert gengur, stundum er "routerinn" virkur, stundum ekki..........ferlega þreytandi. Kannski eru þeir hjá Telekom að stríða okkur en Seydi neitaði einhverju gylliboði frá þeim um ódýrara net osfrv. um daginn???? Æi ég veit það ekki.

Spáð brjáluðu veðri í dag, sums staðar er nú þegar kominn snjór. Hér kom smá él áðan en á víst að koma alvöru snjór í kvöld og í nótt. Spennt að vita hvort þetta gengur eftir.

Er að fara með strákana til Sultan á eftir. Leyfa strákunum að leika smá saman. En hringir Seydi ekki núna og biður mig að fara til Essen. Oh, hann vissi alveg að ég ætlaði til systur hans og sem betur fer var maðurinn hennar staddur á verkstæðinu og hann ætlar að fara.......vorkenndi mér af því að ég gargaði á Seydi og sagðist helst ekki vilja fara í þessu veðri og ég væri líka að fara út! Hann vissi það alveg. Hringir auðvitað akkúrat meðan að ég næ í Henrik, ég ekki með gemsann! Hann kann EKKI á klukku, hringir svo oft á þessum tíma. Ekkert verið að hringja meðan að ég er örugglega heim, nei nei. Alveg merkilegt. Nei, ég hef ekki þolinmæði í svona bull! Ég fer ekki alltaf með gemsann þegar ég sæki Henrik eða Julian. Það hringir aldrei neinn nema Seydi svo að það er ekki hundrað í hættunni.

Var í heimsókn í leikskólanum í morgun til 10:30 en þá fóru þau á leikrit á elliheimilunu á móti og ég þurfti að ná í Julian. Vá hvað sumir krakkar eru svona, æi hvað heitir það........vilja alltaf gera eitthvað með manni og stjórna öllu og öllum! Svona er fólk misjafnt, jafnvel sem krakkar.

Jæja, vona að þetta vistist........Góða helgi.

Anda inn, anda út, bíta á jaxlinn

Nýtt líf hófst í dag. Ég er búin að lofa sjálfri mér að vera þolinmóðari við mig og alla í kringum mig. Ekki æsa mig útaf öllu mögulegu og síðast en ekki síst hætta þessu ógeðslega, ömurlega gargi.......je minn eini hvað ég er stundum þreytt á sjálfri mér. Það var kominn tími til að taka til hjá mér. Held að allir muni hljóta góðs af.

Henrik á það reyndar til að reyna alvarlega á taugarnar en það þýðir bara ekkert að æsa sig. Gerir bara illt verra, svo nokkuð er ljóst. Það er hægt að vera strangur án þess að garga. Ég skil stundum ekkert í mér að vera að æsa mig útaf einhverju, ég hef það gott. Ég á 2 yndisleg börn, ég á sálufélaga, ég hef vinnu sem ég get farið úr og komið þegar ég vil (næstum því), ég á góða vini og yndislega fjölskyldu. Hvern andsk.... er maður að kvarta og kveina? Eða hafa áhyggjur af einhverjum smáatriðum, æsa sig (alltaf að æsa mig). Nei, það er betra að vera þolinmóður. Gott máltæki segir jú "þolinmæði þrautir vinnur allar". Ég held það bara......

Er þetta ekki annars skemmtilega upplífgandi blogg hjá mér? Ætla nú ekki að drepa ykkur með einhverjum hugarórum mínum. En það er ekki alltaf hægt að vera með húmorinn á lofti, ekki alltaf en oftast samt :) Það er voða stutt í púkann í mér.

Aðhaldið gengur bara vel, allavega 1,5 kg farið, annað eins eftir. Held samt að eitthvað hafi nú bæst á áðan. Át 2 diska af taglitella núðlum með jógúrt-hvítlaukssósu mmmmmmmmmmmm. Strákarnir eru sjúkir í hvítlauk, sérstaklega Julian. Henrik var fyndinn áðan. Á þýsku heitir hvítlaukur "Knoblauch". Hann segir þegar hann sér matinn "mmmmmmm, Klobauch" :D Ef ég ætti að þýða þetta væri það "klósettmagi". Hahaha
Sá annað fyndið í slúðurfréttunum áðan. Justin Timberlake að plata Beyonce Knowles sem dansari í sokkabuxum og leikfimisbol :D. Því miður er búið að taka þetta video útaf Youtube. Ég hló upphátt þegar ég sá þetta.
Eins og ég segi, stutt í púkann.

Hér spáð snjó um helgina!! Nú er að sjá hvort að það er eitthvað að marka veðurspána. Ég væri sko alveg til í smá snjó. Öll laufin að verða farin af trjánum og þá lífgar hvíta breiðan svo mikið upp á skammdegið en hér kemur sólin upp um 8 og sest um 16:30.

Knús og kveðjur frá Ingu hinni þolinmóðu.......

Sunnudagur

Kominn sunnudagur eina ferðina enn og nóvember meira en hálfnaður.

Ég er búin að kaupa ALLAR jólagjafir handa fjölskyldunni heima, bara Seydi, strákarnir og Helga Dóra mín kæra eftir. Ég hlýt að finna eitthvað sniðugt handa henni. Var svona að gæla við það að kaupa eitthvað handa strákunum mínum öllum, á Íslandi. Julian langar ekki í neitt nema Lego plötur með götum á, þ.e. götum til að keyra á. Ég fer nú samt varla að burðast með þannig dót til Íslands til að koma með það hingað aftur. Sjáum til hvað ég geri.

Þessar jólagjafir eru líka komnar í pappír og jólakortin eru komin í hús. Á bara eftir að skrifa á umslögin. Ég held að ég hafi aldrei verið svona snemma í því. Ég hefði m.a.s. tíma til að senda þetta allt saman ef ég væri ekki að koma sjálf um jólin. Nú er bara að vona að það verði ekki brjálað veður þarna 21.des. En það væri svo sem ekkert hægt að gera í því. Vona bara að við komumst til landsins, allt annað er aukaatriði.

Læt þetta duga í dag. Best að koma inn myndum af stjörnusöngvaranum mínum, honum Henrik, á barnaland. Hann var svo mikil dúlla að syngja fyrir framan ráðhúsið í gær. Eftir sönginn fóru bræður með pabba sínum heim á bílnum en ég ákvað að labba heim. Hef gott af því og kíkti í nokkra búðarglugga. Keypti ekki neitt samt. Alveg ókeypis að skoða í glugga :) Sá litla mús bakvið kirkjuna, hún hrökk við að sjá mig en stoppaði svo aðeins og ég fylgdist smá með henni. Svo þaut hún inni í runnann. Bless litla mús.

Góðan sunnudag. Set inn video af Henrik, vill ekki virka á barnalandi. Viðbót: Myndir frá því í gær á síðu bæjarblaðsins.

Að bera vörur upp á.......

......... 4.hæð ER þreytandi. Tveir fullir haldapokar plús poki úr íþróttabúðinni plús 2 börn. Börnin labba reyndar sjálf en það þarf alveg að ýta á eftir þeim annað slagið, segja þeim líka að hafa ekki of hátt í stigaganginum en það bergmálar svo hrikalega og mest allt eldri borgarar sem búa hérna. Við erum eina "unga" fjölskyldan, hinir allir komnir yfir fimmtugt, sú elsta 86 ára. Það er því ekki mikið um hávaða og læti hér, engin partý eða neitt þannig. Eini hávaðinn er í okkur, Seydi trampar eins og fíll upp stigann, strákarnir síblaðrandi og ég, já ég á það til að vera hávær. Gæti heyrst í mér fram á gang annað slagið :/

Sá að það er kominn snjór á Norðurlandi, er ekki búin að kíkja í vefmyndavélina í borginni. Vonin um hvít jól eflist þegar ég sé þetta hvíta klæði hylja jörðina hjá ykkur. Hér er sól og ský til skiptis, vindur og um 10°. Eitthvað spáð kólnandi en engum vetri enda er haustið ekkert farið. RISA ryksuga sogar laufblöðin á götum og gangstéttum svo að fólk detti nú ekki ef það er blautt á. Það gæti farið illa.

Þar sem ég þyngdist um ein 3 kg. um jólin í fyrra ákvað ég að reyna að léttast um þau áður en ég færi til Íslands..........bjartsýnin að drepa mig. Fór því út að labba í morgun. Ekkert lengi, bara svona 20 mín. labb hér um hverfið en þá var mjöðmin farin að segja til sín og smá hlaupastingur kominn. Þetta var mjög hressandi enda gott gönguveður. Hitti varla sálu á leiðinni enda er þetta rólegt hverfi. Nema mín gata auðvitað enda ein af aðalgötunum. Mér datt í hug að labba framhjá skólanum, þar voru frímínútur, en ákvað að vera ekkert að "njósna" um Julian.

Eftir gönguna fór ég snöggvast í Aldi. Eins og allavega 2 síðustu ár voru þeir með Machintosh. YES, ég keypti 2 dalla (pappírs) @ 438 gr. og þeir kostuðu heilar 3,80 evrur stykkið. Frekar dýrt en hvað gerir maður ekki fyrir smá stemmingu. Sótti Julian kl.10:45 og brunaði beint til Essen að ná í varahluti, henti þeim inn á verkstæði og fór svo í Decathlon, uppáhalds íþróttabúðina. Keypti 2 jólagjafir, flíspeysu handa mér og flíspeysu, skíðavettlinga og snjóbuxur (á niðursettu verði) handa Julian. Það þarf að vera hagsýnn en þessar buxur eru sko fyrir næsta vetur..........fyrir þennan vetur keypti ég í fyrra. Það sem þær eru ekki notað oft dettur mér ekki í hug að eyða mörgum þúsundum í þær. Ekki fara að gera grín af því að ég sé nísk OK. :)

Nú er ég orðin svöng. Borðaði engan hádegismat nema nokkra Machintosh mola........já já, léttast um 3 kg. hahaha. Best að taka til kaffi og reyna að borða eitthvað af þessu kexi sem ég á.

Kveðja í snjóinn, eða ekki snjóinn, fer eftir því hvar þið eruð :)

Tíminn flýgur

Er virkilega kominn 10.nóvember?????? Það er bara rétt rúmlega mánuður í jólin! Oh, hvað ég hlakka til að koma heim um jólin. Strákarnir líka, báðir búnir að tala um ferðina í skóla/leikskóla. Jólagjafir komnar vel á veg, jólakortin tilbúin nema þessi sem fara til "útlanda" þ.e. ekki á íslensku. Verð að græja þau fljótlega.

Unnur búin að fá afmælisgjöfina sína, m.a.s. búin að opna hana......alveg óvart sagði hún :D

1. foreldraviðtalið í skólanum í dag. Ég fékk Bärbel til að líta eftir strákunum, ekki málið. Ég er svo stolt af Julian. Hann er svo duglegur, hjálpsamur, vinalegur við hina krakkana, fljótur að læra og góður. Á smá erfitt með að sitja kyrr og lætur stundum aðra hafa neikvæð áhrif á sig en ekkert til að hafa áhyggjur af. Je hvað ég man hvað pabbi var alltaf stoltur af mér þegar hann kom úr foreldraviðtali :) Gleymi því ALDREI. Núna líður mér eins og honum. Eins og mér leið nú hinsegin í síðustu viku! Svona er lífið :)

Skellti mér með strákana í sund í gær. Vá hvað það var gaman. Sultan mágkona var líka með Said-Doane og frændur skemmtu sér konunglega, já og okkur Sultan. Við hló(g)um svo af þeim þegar þeir voru að gera stökkkúnstir sínar :D Henrik er svo mikill api. Alveg eins og einhver lítill kraftakall þegar hann hoppaði þarna á bakkanum og stökk svo ofan í. Hrikalega fyndinn. Ég ætla að vera dugleg að fara með þá í sund, líka í jólafríinu.

Loksins komið veður eftir margra daga logn, ský og 12° hita. Loksins kominn vindur og rigning. Mér leiðist svona lognmolla, þ.e. ekkert veður. Hlýtur að vera í blóðinu. Það var hríð í dag, laufblaðahríð sko. Allt fallega gult en í svona hvössu fljúga laufblöðin af trjánum og útum allt. Gangstéttar og götur gular af laufblöðum. Oh, ég elska haustið sem senn tekur enda.

Knús

Andleysi

Má segja að andleysi sé ríkjandi þessa dagana. Allavega þegar ég hugsa um að blogga, eða ekki! Ef þið hafið lesið vefdagbók Julian vitið þið kannski afhverju ég er hálf andlaus. Það er aldrei gott að fá að heyra það að barnið manns hagi sér illa, eigi við hegðunarvandamál að stríða........Ótal hugsanir hrannast upp í huganum. Sérstaklega spurningin "er ég ekki að ala barnið mitt upp almennilega?" Æi, ég veit að ég á ekkert að vera að velta mér of mikið upp úr þessu sundkennslumáli en ég skil báðar hliðar. Julian finnst kennslan leiðinleg og kennarinn "meiðir" hann með því að toga í fæturna þegar hann syndir og út frá því hagar hann sér illa, truflar kennsluna og ekki dugar að setja hann í skammarkrókinn. Það er engin afsökun, ég veit alveg hvernig hann getur hagað sér, þ.e. illa. Orðið reiður ef honum líkar ekki við eitthvað. Oftast er einhver ástæða á bakvið reiðina. Þannig sé ég þetta í dag. Á fimmtudaginn fannst mér ég ömurleg mamma með óþægt, truflandi barn með hegðunarvandamál. Verð samt að segja það að mér sjálfri finnst þessi sundkennari "unsympatisch" (finn ekkert orð á ísl.).

Nú er ég spennt að vita hvað skólakennarinn hans Julian segir um hann á mánudaginn. Þá er 1.foreldraviðtalið. Julian er ánægður í skólanum en það þýðir ekkert að hann hagi sér skikkanlega og vel. Reyndar eru víst tveir strákar í bekknum sem sjá mikið um að vera í "skammarkróknum" svo að kannski tekst ekki eftir Julian. Ég bara veit það ekki þó ég þykist þekkja barnið mitt nokkuð vel :/ Eitt veit ég þó ekki. Hvað ég á að gera við strákana á meðan ég fer í viðtal! Það er kl.14:10 og Seydi í vinnunni. Verð að taka þá með, þeir hljóta að mega leika sér úti eða eitthvað.

Vorum á ferðinni í allan dag. Fórum rúmlega 10 úr húsi í átt að Duisburg og keyptum þar bíl. Skiluðum honum svo á verkstæðið og brunuðum til Haltern og keyptum þar annan bíl. Aftur á verkstæðið og svo í búð að kaupa gervihnattadisk. Spurning hvenær hann kemust upp!!!!! Keyptum svo aðeins í matinn og skruppum svo til tengdó í mat. Sultan og co. komu líka svo það var fjör. Julian komst upp á kant við frænda sinn og bróður, fékk reiðiskast en baðst afsökunar hérna heim komin. Sá eftir því að hafa látið svona. Hann er núna búin að byggja kubbahús og er að leika í því. Eins og oft...........Fer að koma háttatími fyrir litla gaura. Tími til að bursta tennur og lesa bók. Segi því bless í bili.

Góða helgi

Tilkynning

Eitthvað virðist vera að hjá barnalandi. Síðurnar með nöfnunum virka ekki, hjá mér allavega. Er búin að setja inn nýja linka hérna á síðunni með "gömlu" númerum strákanna. Ætti að virka.

Hvað segir fólk annars á fyrsta degi nýrra tíma í USA? Vonandi allavega og mjög sennilega. Ég var ánægð þegar ég vaknaði klukkan rúmlega 6:30 í morgun og kveikti á sjónvarpinu og sá hver hefði unnið. Hérna var víst kosningavaka alla nóttina. Kannski á Íslandi líka. Vá hvað fólk var glatt og ánægt í USA, grét og gargaði af gleði. Nema kannski Repúblikanar.Gott mál.

Þar sem við höfðum bara 1 bíl í morgun og ég þurfti að mæta á foreldraráðsfund kl.8:30 skelltum við Henrik okkur á hjóli í leikskólann. Litli kraftakallinn minn þurfti samt að stoppa nokkrum sinnum á leiðinni enda er "brekkan" hérna upp eftir ansi lúmsk. Löng en ekkert brött. Þeim mun skemmtilegra og auðveldara að renna sér heim. Rosalega var það gott að hreyfa sig aðeins. Ég hef líka ákveðið að fara út að labba eða hjóla á miðvikudögum, jafnvel á föstudögum líka. Sjáum til hvað ég er dugleg.

OH, þetta átti ekkert að verða neitt langt blogg. Ætlaði bara að segja ykkur frá barnalandi. Ó jæja, er búin að skrifa og ætla ekki að fara að eyða því.

Knús

Lygasaga

Ég var búin að minnast á það að mér væri illt í tungunni, hún væri bólgin og sár. Í gær ákvað ég að fara til læknis í dag til að láta líta á þetta. Alveg ómögulegt að vera svona, vont að borða, tala og kyngja.
Eftir að hafa "hent" öllum karlmönnunum út, seinnipartinn í gær, sat ég hér í makindum mínum við tölvuna og kíkti hingað og þangað á netinu. Eftir nokkurn tíma fann ég eitthvað hart á tungunni og ákvað að fara með tennurnar það og mér tókst að skafa eitthvað fram og tók það út úr mér. "Þetta" minnti helst á svona lítinn brúnan enda af "hommaspennu", þið vitið, lítið hringlótt. Ég læt "þetta" hverfa og hugsa ekkert meira út í það. Allt í einu fór ég að finna fyrir skrýtnum fiðring í tungunni, eins og hún væri að skreppa saman.
Eftir svona hálftíma koma Seydi heim og þá var tungan orðin minna sár og minnkuð um helling. Ég bað Seydi að kíkja á þetta og rak tunguna út úr mér :Þ
Hann sagðist sjá mun. Ég finn að tungan er orðin virkilega góð og fæ mér því að borða en ég var búin að missa alla lyst.

Í morgun er bara, næstum því, eins og tungan hafi aldrei verið bólgin!!!!!! Hún er ljósrauð og fín, bara eins og alltaf. Finn aðeins fiðring en það virðast bara var eftirköst eftir sárin. Nú er ég búin að velta þessu fyrir mér í allan dag. Hvað gæti þetta hafa verið? Var þetta kannski einhver eitursveppur sem eitraði allt munnholið út frá sér? Svo kom ég með mínar tennur og reif hann upp með rótum? Hlýtur bara að vera. Hefur einhver lent í svona? Þetta er bara eins og lygasaga, nema það að hún er SÖNN. Ég fór því ekkert til læknis í dag. Fer samt strax ef ég finn einhverjar bólgur aftur. Það er á hreinu.

Annars ekkert að frétta. Það er orðið dimmt fyrir kl. sex. Best að leggjast bara undir hýði svona á haustin/veturna. Það varð ekkert bjart í dag, skýin héngu neðarlega í dag. Veður til að vera heima, drekka kakó og lesa bók (lesist: hanga á netinu). En ég þurfti að vinna, ná í Julian og skreppa svo til Essen að ná í varahluti.
Ég er alger innipúki, elska að vera bara heim. Strákarnir eru að verða eins. Þeim finnst samt alveg gaman að vera úti en þeim mun betra að koma svo heim. Home sweet home.

Knús

Jólagjafir og annað

Nú, á degi Hrekkjavöku er síðasti dagur október. Það þýðir að á morgun kemur nóvember. Þá ætla ég aaaaaaaaaðeins að byrja á jólaskapinu ;)

Er reyndar búin að kaupa 4 1/2 jólagjafir, panta 2 1/2 og m.a.s. pakka tveimur af þessum inn :) Svo er ég búin að panta jólakort, gerðu þau í tölvunni. Rosalega þægilegt. Ég fer inn á síðu, vel mér kort, set myndir inn, skrifa texta og "voila". Ég var að fá póst um að kortið verði til eftir 2 daga. Get þá náð í allt sem ég pantaði í næstu viku. Gott mál bara.

Strákarnir voru ánægðir með mig í morgun :D Ég hafði blásið í nokkrar Halloween blöðrur og hengt upp í stofunni. Blöðrur eru alltaf jafn vinsælar. Við skárum svo graskerið áðan og vorum að kveikja á kertum inn í því enda farið að rökkva. Ætla svo að fara að búa til "Draugasúpu" frá maggi. Er tómatsúpa með núðlufígúrum (draugum, nornum, kisum og graskerum).

Happy Halloween

Eitt enn. Ég er búin að panta flug norður. Við fljúgum kl.20 strax á sunnudagskvöldið 21.12. Lendum kl. 20:45 ef einhver gæti náð í okkur ;)

Snjór

Það er aldeilis kominn fínn snjór hjá sumum ykkar. Skíðasvæði opin og allt. Þetta má alveg vera svona um jólin, veðrið líka. Sýnist vera sól og blíða í dag. Vefmyndavélin á Dalvík er uppáhaldið þessa dagana. Veit ekki hvar hún er staðsett en ætli vinnumennirnir á einhverju þaki viti að þeir eru "í beinni"? Ég fylgdist aðeins með ýtu moka snjó við kirkjuna í dag :) Alger snilld, sérstaklega í svona veðri. Vefmyndavélin hjá Rafveitu R.víkur er líka góð, fer næstum því hring yfir borgina. Gaman að þessu.

Það er nú bara kalt hér. Í gær og í dag var hél á afturrúðunni. Engin skafa frekar en fyrri daginn! Sem betur fer var þetta ekki mikið svo að það dugaði að setja afturrúðuhitarann á. Ég veit ekki hvað ég hef keypt margar sköfur í gegnum árin. Svona er þetta þegar alltaf er verið að skipta um bíl og selja.........Þessa dagana skiptist ég á að keyra Ford Ka og Benzinn. Enginn munur, nei nei. Ka´inn er fínn, lítill, eyðir ekki miklu og passar vel í öll bílastæði. Verst að hann er ekki nógu traustur ef lent er í árekstri en þar sem ég er lítið á ferðinni og enn minna á hraðbrautunum er hann fínn til að skottast á.

Fór til augnlæknis í dag. Sjónin er alltaf að "batna" þ.e. nærsýnin að minnka. Er víst ofur eðlilegt á mínum aldri. Læknirinn sagði "já svona upp úr fertugu verður þú kannski að fara að huga að nýjum gleraugum þar sem þessi eru kannski of sterk". Hvað er maðurinn að meina? Upp úr fertugu hvað? Heldur hann virkilega að ég sé svona gömul? Ókey, ég er víst að verða fertug eftir 1 og hálft ár en eitthvað próf sem ég tók á facebook (og mikið að marka) sagði að ég væri tvítug! Takið eftir, 20 ára :) Ég sem svaraði öllu samviskusamlega. Þurfti bara að svindla í 1 spurningu þegar spurt var um hvort maður væri giftur, vel giftur, ekkja osfrv. Í sambúð var ekki í boði. Ég sagðist vera gift...........kannski fékk ég þessvegna þessa útkomu, hmmmmmm. En er 14 ára sambúð ekki mjög líkt því að vera gift? Hlýtur að vera.

Sólin er sest, stofan er full af böngsum og teppum og ég ætla að halda áfram að lesa "Dýragarðsbörnin".

Knús

Með 80´s músík í eyrunum...

...ákvað ég að blogga um ekkert. Hef ekkert að segja. Hugsa lítið um annað en ferðina heim um jólin. Hvað á ég að kaupa í jólagjafir? Hvernig mynd á ég að hafa á jólakortinu? Hvaða föt á ég að taka með? Þarf ég jafnvel að kaupa eitthvað nýtt? Ómögulegt að fara í jólaköttinn! Á ég að panta flug norður núna eða seinna? Hver nær í okkur á Eyrina? Verður stórhríð? Komum við tímanlega á flugvöllinn í Frankfurt? Seydi þarf nefnilega alltaf að leggja bílnum einhvers staðar til að þurfa ekki að borga þessi morðfjár fyrir að leggja á flugvellinum ( viðbót: var reyndar að skoða gjaldskrána og það er hægt að leggja fyrir € 54 í 15 daga! Ekkert svo dýrt).........og þegar við flugum síðast frá Dusseldorf kom hann næstum því of seint!!!!! Nei, ég legg ekki í það aftur. Flýg þá bara án hans *hnuss*

Ástæðan fyrir músíkinni í eyrunum er sú að ég var að setja lög frá 9.áratugnum inn í tölvuna og yfir á mp3 spilara sem Seydi keypti í Tyrklandi. Honum, spilaranum sko, er stungið í kveikjarann í bílnum og lögin kom á útvarpsrás. Stella vinkona var búin að tala um svona græjur. Nú get ég haft "mína músík" útum allt, alveg sama í hvaða bíl. Svo framarlega sem það er útvarp í honum. Það er ekki alltaf ef ég þarf að keyra einhverja druslu sem ekki er á skrá. Ekki halda að ég keyri ólöglega, við erum með númer til að nota á óskráða bíla. Eiginlega bara til að nota t.d. ef við kaupum nýjan bíl og hann er óskráður. Stundum stelumst við til að nota prívat ef allir hinir eru í láni eða stendur þannig á. Sumir virðast nú misnota þetta og keyra í tíma og ótíma á þessum númerum en það er þeirra mál.

Nau,nau, ég hef bara helling að segja. Ekkert merkilegt svo sem en þið hafið þá eitthvað að lesa.
Eitthvað á að kólna hérna á næstu dögum. Þessi blessaða lægð sem gekk yfir ykkur fyrir stuttu er á leiðinni hingað. Eða restin af henni. Ég fer að taka upp kuldaskóna og -úlpuna.

Farið vel með ykkur :)

PS. Alva, ef þú lest þetta. Ég get ómögulega kvittað á blog.is hérna heima.....ekki halda að ég lesi aldrei bloggið hjá þér. Knús

Vonir vaktar

Til að taka við þar sem Maja endaði þá var ég að enda við að kíkja á vefmyndavélina á Dalvík (og fleiri) og sá þar krakka að renna sér fyrir framan kirkjuna :) Ég kallaði í strákana og sýndi þeim, vakti hjá þeim vonir um að það yrði snjór um jólin svo þeir gætu farið að renna sér oftar en 1 sinni eins og jólin 2007! Verður maður ekki að vona það besta bara.

Þó það væri mér til mikils hags að það yrði brjálað veður og að lenda yrði á Akureyri eða Egilsstöðum ætla ég ekki að vona að veðrið verði eins og síðustu daga. Allavega ekki þá daga sem við verðum á ferðinni. Helga Jó. þú átt skilaboð á facebook ;)

Hér er enn fínt haustveður, það rignir þó annað slagið en ekkert til að vera veður útaf..... Allt fullt af laufblöðum og því eins gott að passa sig að detta ekki á blautum laufblöðum. Svo væri ekki vitlaust að setja vetrardekkin undir því að í næstu viku á að koma "snemmvetur" (Frühwinter) og hitinn að fara niður fyrir frostmark á næturna.

Hér verður bara fínn matur í kvöld en við fórum í tyrkneska markaðinn áðan og keyptum okkur bæði kálfasneiðar og lambakótelettur. Seydi þarf alltaf að kaupa fyrir heilan her þegar hann verslar. Létum krydda þetta á staðnum svo að nú þarf ég ekki að gera neitt nema henda á grillið, búa kannski til salat og sjóða kartöflur. Sjáum til hvaða meðlæti ég hef með. Seydi skrapp á verkstæðið og kemur að verða sjö.

Segi bara góða rest helgi og við SJÁUMST

Daddaradamm........

Haldið ykkur nú fast! Rosalega fast! VIÐ ERUM AÐ KOMA UM JÓLIN :):):)
Við komum ÖLL svo það er eins gott fyrir suma að eiga nóg í frystikistunni ;) Við gætum svo sem komið með matarpakka ef matarskortur er vandamál.

Innrás Tyrkja verður gerð þann 21.desember kl. 16:15 og endar þann 5.janúar. Nú er spurning hvernig við komum okkur norður. Eins og evran er núna er hræódýrt að fljúga norður. Spurning um að panta flug strax um kvöldið eða sofa eina nótt. Er einhver með hugmynd? Rakel, hvenær ferð þú norður? Helga Jóhanna, hvað verður þú að gera? Eða Bjarnhildur? Látið heyra í ykkur áður en ég panta flug.

Þetta var bloggið í dag. Hlakka til að heyra frá ykkur.

SJÁUMST <3 (hjarta)

Blogg, web log, dagbók eða hvað þetta nú á að vera. Stundum tekst mér að skrifa eitthvað um mína (oft) fáránlegu hugaróra, stundum skrifa ég um það sem er á dagskrá hjá mér, af og til um eitthvað alveg stórmerkilegt sem henti mig. Bara það sem mér dettur í hug þá stundina. Vona að þið búist ekki við einhverjum skemmtilegum, merkilegum, fyndnum eða frábærum bloggum dag eftir dag..........Það er bara ekki hægt, stundum er heilinn í mér svo tómur eða fullur að bulli. Nei,nei, nú er eins og að ég hafi einhvern tímann tekist að skrifa eitthvað stórmerkilegt! Voða mont er þetta í mér........best að hætta því núna!

Fékk lítinn sætan bækling frá H&M í dag með nýjustu haustvörunum. Á forsíðunni blikar í gráa peysu með munstri, ekki ólíku íslensku lopapeysumunstri. Spurning hvort ég eigi að fjárfesta í einni svona peysu (ýta á þessa rauðu með stjörnumunstrinu, þar sést gráa peysan)? Hún kostar jú tæplega 35€ sem er svo sem ekkert mikið fyrr en þið farið að reikna það yfir á íslensku krónuna blessuðu........Ég á reyndar þessa líka fínu alvöru, íslensku lopapeysu sem mín elskulega systir, Unnur, prjónaði en þær virðast vera rosalega "in" þetta haustið og fara eiginlega aldrei úr tísku. Sé til hvort ég tími að kaupa þessa peysu. Væri kannski alveg eins ódýrt fyrir mig að kaupa alvöru peysu heima! Miðað við Evruna núna allavega. Ætti kannski að biðja um lopavesti í jólagjöf ;) Er það ekki mikið í tísku?

Ég hef þó aldrei verið mikið að hlaupa á eftir tískunni. Helst viljað vera í því sem er þægilegt OG hægt að nota í mörg ár. Tískufatnaður á það oft til að vera hálfgerð bóla sem svo springur og verður hallærislegt eftir nokkra mánuði. Einn daginn er doppótt í tísku, annan daginn röndótt, næsta dag þröngt, þar næsta vítt! Er ekki bara allt í tísku? Sumt mun ég aldrei fara í eins og niðurþröngar gallabuxur! Ég held að ég yrði eins og álfur út úr hól í þeim. Það eru ekkert allir með vöxtinn í allar flíkur. Mér finnst að það ætti aðeins að klæða sig eftir vexti en auðvitað má fólk fara í það sem það vill mín vegna. Voða er ég "dipló" eitthvað! Ég reyni að fela það sem fela þarf og sýna það sem hægt er að sýna. Ekkert flókið.

Nú er ég komin út í einhverja tóma vitleysu. Julian er að trufla mig, þarf endilega að búa til pappírsflugvélar en ég var búin að setja Heru Björk á fóninn og ætlaði að fá smá frið til að blogga en hér er sjaldan friður........

Mamma hér, mamma þar, mamma allstaðar. Það var því mjög gott að vera ein að selja á flóamarkaðnum í leikskólanum á sunnudaginn. Ég bannaði strákunum að koma með. Ógeðslega vond mamma. Það var gaman að hitta annað fólk, spjalla við aðrar mömmur og vera bara ég, ekki bara mamma. Þó það sé mitt aðalhlutverk eins og er má ég alveg leika eitthvað annað hlutverk líka. Svo er ég viss um að þegar strákarnir eru orðnir stórir og koma ekki í heimsókn nógu oft mun ég kvarta......... er þetta líf ekki furðulegt?

"Mamma, afhverju getur flugvélin ekki flogið? " spyr Julian. Hann er með einhverjar tilraunir í flugvélagerð en það virkar ekki alveg, lím hér, límband þar, vængirnir ekki eins. Þessar venjulegu (mömmugerðar) eru bestar, hann sér það núna :)

Jeminn eini, afhverju þurfa börn (veit reyndar ekki hvort önnur börn gera þetta) að labba á sófanum frekar en að labba á gólfinu????? Eða hoppa í rúmum? Eða láta allt detta í gólfið (og taka það ekki upp)? Eða hlaupa í staðin fyrir að labba? Eða garga útaf engu? (sé oft krakka á leiðinni í skólann og hljóðin sem þau gefa stundum frá sér........ótrúlegt). Ókey, ég veit að það er hægt að banna þeim þetta allt saman, það virkar bara ekki alltaf. Ég og Unnur systir lékum okkur tímunum saman í hjónarúmi mö og pa í að fella hvor aðra! "Dansi, dansi dúkkan mín" var sungið (er það ekki Unnur?) Finnst oft fyndið hvað börnum dettur í hug, líka oft mjög ekki fyndið :/ Ætti að skrifa oftar niður sem mínum dettur í hug. Akkúrat núna eru gaurarnir í flugvélaleik, hlaupa fram og aftur í stofunni og henda flugvélunum. Flugvélastríð.........

Búið, basta, sólin skín.
Nú koma örugglega einhver uppeldis komment :) Þau eru velkomin, bara ekki að það eigi að banna allt. OK.
Knús

Tungan mín

Mér er búið að vera illt í tungunni í nokkra daga. Lýsir þér eins og að ég hafi brennt mig illa og það lagist ekki. Það er vont að drekka appelsínusafa og annað súrt, margt er skrýtið á bragðið og á kvöldin er tungan frekar hvít með rauð sár, líka á hliðinni. Var að athuga hvort ég fyndi einhvera lausn á netinu en ég finn ekkert. Ef þetta lagast ekki núna um helgina fer ég til læknis. Spurning hvort ég hafi borðað eitthvað sem hefur "brennt" tunguna???

Kominn laugardagur, 18.október! Október er meira en hálfnaður.........bara 2 mánuðir í jólin! Ég ætti að fara að huga að jólagjöfum, jólakortum ofl. Ætli ég geymi það samt ekki fyrr en eftir Hrekkjavökuna. Þá er líka kominn nóvember og veðrið býður þá oft upp á inniveru.

Í dag ætla ég með strákana, Bärbel og Florian í bæinn til að sjá "Recklinghausen leuchtet" sýninguna eins og í fyrra. Ætlum að fara seinnipartinn af stað en ljósin verða kveikt klukkan 19.

Á morgun er flóamarkaður í leikskólanum og ætla ég að reyna að losa mig við sem flest af fötum strákanna, þ.e. það sem er of lítið á Henrik. Ætla líka að baka muffur sem verða svo seldar. Var að baka prufu muffur úr Matreiðslubókin mín og Mikka áðan. Setti súkkulaðidropa í þær og appelsínugulan glassúr ofan á. Henrik fannst þær góðar, borðaði 3 á mettíma :)

Haustið sýnir enn og aftur sínar bestu hliðar. Sólin skín og það er lítill vindur. Hitinn er reyndar frekar lítill, svona um og yfir 10°.

Knús og góða helgi

Ég bara varð

Má til að blogga smá, sá nefnilega svolítið skemmtilegt í morgun. Henrik átti tíma í talkennslu og ákvað ég að sitja bara frammi og bíða, lesa slúðrið og annað. Ég var búin að lesa um Boris Becker, Silvíu Svíadrottningu, Mette Marit ofl. fræga þegar ég fletti yfir allar krossgáturnar og beint á síðustu síðuna. Hvað blasir við mér þar???? Grein um íslenska hestinn. Það er svo sem ekkert merkilegt hér enda virðast Þjóðverjar elska íslenska hestinn. Ekki langt síðan að ég sá barnaþátt í TV þar sem sýnt var að ísl. hesturinn kynni 5 ganga (eða hvað þetta nú heitir á ísl.). Ég held að ég hafi lært meira um ísl. hestinn síðan ég flutti hingað. Var ekkert að pæla mikið í því að tölt væri eitthvað merkilegt.

Hvað um það, þessari grein fylgdu myndir frá Íslandi, mynd af hestum og fólki á hestum. Ég staldra við fólkið á hestunum og finnst ég eitthvað kannast við það! Og viti menn, eru ekki Bjössi Ægis og Rakel með snúlluna sína þarna á hestbaki. Til sönnunar set ég hér með inn myndir.























Læt þetta duga í dag, haustlaufin eru að fylla allar gangstéttir. Fólk hefur varla undan að moka þeim til hliðar eða sjúga upp í laufsuguna. Eitthvað spáð leiðinlegra veðri næstu daga en aftur fínu um helgina.

Knús

Veðrið

Má ekki alltaf blogga/tala um veðrið? Á síðustu og verstu tímum má alveg tala um veðrið.

Ég verð reyndar lítið var við einhverja kreppu hér, lífið gengur sinn vanagang hjá mér og mínum. Sérstaklega í dag þar sem upp rann fyrsti skóladagur eftir haustfríið. Julian og Henrik voru bara mjög hressir í morgun en Henrik átti að mæta í talkennslu kl.8. Julian fór glaður og ánægður í skólann en því miður féll talkennslan niður. Konan sem átti að vera með Henrik sat einhvers staðar í biluðum bíl. Tíminn verður endurtekinn á miðvikudaginn, ekki málið.

Já og veðrið, komum nú að því. Það er svo yndislegt núna að það er alveg lygilegt. Á laugardaginn fór ég í smá hjólreiðatúr með strákana, bara hérna upp í garð. Oh, það var svo yndislegt að sitja á bekk, sólin sleikti vangana og hanarnir göluðu. Já það eru hanar í garðinum, þ.e. litla dýragarðinum. Strákarnir léku sér á leiksvæðinu á meðan. Af og til gargaði páfugl eða kindurnar og geiturnar jörmuðu. Ég hefði getað gleymt stund og stað...........

Í gær fór ég í göngutúr með Henrik, Florian og Bärbel. Um að gera að koma sér út í náttúruna, laufin falla af trjánum eins og snjókorn á fallegum vetrardegi. Sólin skein reyndar ekki fyrr en seinni partinn en veðrið var engu að síður frábært.

Í dag er sól og hlýtt, mjög hlýtt bara. Ég sat úti á svölum áðan og las "Dýragarðsbörnin", borðaði í leiðinni og drakk Capuccino. Hrikalega er þetta áhrifarík bók, vá. Er búin með 1/3 en samt er Christiane F. komin á H (heróín) ekki orðin 14 ára! Rosalega hefur það oft mikil áhrif hvar fólk elst upp, hvað verður úr því.......það er sko greinilegt.

Núna ákvað ég að blogga smá, gæti alveg setið úti áfram, eða sett stólana inn aftur en ég var svo rosalega dugleg að skúra eldhúsið! Ég þoli ekki að skúra.....ég elska að þvo þvott en að skúra, oj. Þvoði líka þvott í dag, alveg 2 vélar. Læt það duga. Handklæðin fara örugglega að verða þurr hérna úti á svölum, veðrið er jú svo fínt :)

Bestu veðurkveðjur........það gæti versnað í lok vikunnar. KNÚS og baráttukveðjur í Kreppuland.

Haustkveðja

Þið megið giska einu sinni á það hvað þetta er á myndinni????? Glæsilegt ekki satt? Ég sagði ykkur þetta.

Annars er allt gott að frétta. Ég vogaði mér að kíkja á fréttirnar á RUV frá því í gær. Ég er samt litlu nær. Nema það að núna heitir bankinn minn "Nýi Glitnir".

Í miðnætur fréttunum á RTL í gær var líka talað við verslunareiganda sem sagði að ef þetta héldi svona áfram myndi hann fara á hausinn. Sýndar voru auðar götur í Reykjavík (sennilega Laugarvegurinn) og sagt að fólk væri lítið að eyða núna. Er fólk bara mikið heima núna? Hvað með þessa nýju flottu verslunamiðstöð sem opnuð var í síðustu viku? Hana vantaði jú svo rosalega............Hvað hafa 300.000+ manns að gera með öll þessi "moll"? Er virkilega markaður fyrir þessu? Ég bara spyr!

Haustveðrið er alveg yndislegt núna. 17° hiti og hálfskýjað. Alveg logn og bara æðislegt. Hausthátíð í Dorsten um helgina. Kannski maður kíki þangað í blíðunni. Annars er alltaf nóg um að vera hérna, ég bara er ekkert voða dugleg að fara eitthvað, sjá eitthvað. Nema það séu gestir, þá notar maður tækifærið og skellir sér í dýragarða/almenningsgarða, á fótboltavelli, í "mollin" ofl. Vill ekki einhver koma bara til mín? Evran er reyndar andsk... dýr en hér eru nóg af öllu. Er ykkur farið að vanta eitthvað frá útlöndum? Las að það væri erfitt að fá vörur erlendis frá.........Ég gæti sent ykkur einn og einn matarpakka. Ha ha ha. Nei, það er bannað að gera grín að ástandinu.

Það er samt hollt að hlæja og vera glaður. Ég er bara að reyna að peppa ykkur upp kæru vinir og ættingjar. Mér fannst það gott hjá Jóhönnu Sig. segja ykkur að nú væri tíminn til að snúa saman bökum.

Nóg í dag. Ætla að sjóða spaghetti og hella á það einhverri sósu úr túbu. Keypti hana í "Preistempel", ný búð með t.d. afgangsvörur, næstum því útrunnar vörur, vörur úr búðum sem lokuðu osfrv. Meira draslið þarna, sumt allavega. Haldiði að ég hafi ekki séð mann þarna í peysu merktri Íslandi! Það stóð "ICELAND" bæði framan og aftan á, ásamt fána að aftan. Sé eftir að hafa ekki pikkað í hann og sagt hvað hann væri í kúl peysu :)

Lifið í lukku en ekki í krukku, ykkar Inga

PS. Enn eitt (ætlar konan aldrei að hætta að skrifa). Ég fékk svona í bakið áðan, reyndar meira hægra megin undir herðablaðinu. Var að reyna að rétta pönnu við, ýtti á hana og einhver taug hefur greinilega klemmst eða ég veit ekki hvað. Allavega er smá sárt að anda og hreyfa sig á vissan hátt. Ef þetta lagast ekki verð ég að drullast til læknist. Efast samt um að þetta sé nokkuð alvarlegt.

Nú segi ég bless, í alvöru!

Is there anybody out there?

Allt í hassi bara? Ísland er þó nokkuð mikið fréttum hér. Sá frétt í miðnæturfréttunum á RTL í gær, fyrst voða fallegar myndir frá Íslandi og talað um að landið færi kannski bara á hausinn. Svo hélt fréttin áfram um ástandið hér og þar. Síðast var sagt að eiginlega ættu Íslendingar að vita það, lifandi í landi "Geysira", að einhvern tímann springur (gýs) allt á endanum og sýndu mynd af goshver að gjósa. Á ég að hlæja eða gráta yfir svona fréttum? Hef ekki lagt í að horfa á fréttirnar heima á netinu. Skil hvort eð er lítið í þessum málum. Á mbl.is eru gömlu tuggurnar enn nýjustu fréttir og fólk bloggar varla um annað. Sem er skiljanlegt. Í bæjarblaðinu í dag var skrifað um að Geir H. hefði sagt að Ísland gæti orðið gjaldþrota. Er það tilfellið? Hvað haldið þið eða vitið?

Góð frétt fyrir mig er að "bankinn" minn er sparisjóður (Sparkasse) og þeir fara ekki eins illa út úr þessu. Voru kallaðir gamaldags af mörgum. Þeir segjast einfaldlega gefa fólki sem á pening ágæta og stabíla vexti og lána svo fé til fyrirtækja og einstaklinga sem vilja byggja. Voða einfalt. Fínt að vera gamaldags nú til dags.

Annað, allt annað. Ég fór að versla í dag og stóð hérna fyrir utan með bílinn til að þurfa ekki að labba eins langt með vörurnar. Ég var rétt búin að snúa mér við og ætlaði að labba í áttina að hurðinni þegar ungur strákur á hjóli keyrir á mig á fullri ferð! Ég datt nú samt ekki þótt ég væri með þunga haldapoka í hvorri hendi. Ég hugsaði samt að nú fengi ég fallegan marblett á lærið! Strákurinn spurði hvort það væri allt í lagi hjá mér og ég sagði svo vera og að þetta væri nú líka mér að kenna (hjólabrautin lá við hliðina á bílnum). Ég gleymdi alveg að athuga hvort að það væri að koma hjól. Geri það nú oftast en þar sem það rigndi var ég með hettuna á hausnum, sá því illa til hliðanna án þess að kíkja. Nú er ég s.s. með æðislega fallegan marblett aftan á lærinu þar sem dekkið fór í mig. Ég passa mig betur næst :)

Farið vel með ykkur

Rós dagsins frá mér fær...

...real,- búðin hér í bænum. Eins og ég minntist á í einhverju bloggi, keypti ég mér Senseo kaffivél í september, nánar tiltekið 10.9. Oftast er ég nú dugleg að halda upp á kvittanir af tækjum og tólum, jafnvel skóm en í þetta skiptið tókst mér að týna/henda miðanum! Vélin var ekki vikugömul þegar hún fer að leka.......alveg sama hvað ég gerði, hún skildi alltaf eftir poll á bekknum. Mín var ekkert smá pirruð, já eiginlega bara mjög pirruð :/

Á laugardaginn ákváðum við að fara í real,- og athuga hvort eitthvað væri hægt að gera. Konan í upplýsingum sagðist þurfa miðann því ef þau myndu senda vélina í viðgerð gæti verið að ég yrði að borga reikninginn án miðans. Hmmmmm, nú voru góð ráð dýr. En konan sagði að ef ég vissi svona nokkurn vegin hvenær ég hefði keypt vélina og á hvaða kassa ég hefði borgað væri kannski hægt að athuga hvort miðinn finnist en ég borgaði með VISA og gat því sannað að ég hefði keypt eitthvað í búðinni þennan dag (ég keypti ekki bara vélina). Þetta gæti kannski tekið 1-2 daga. OK.

Í dag fæ ég hringingu frá real,-. Miðinn finnist ekki en þau hafi ath. allt frá 11-15 þennan dag. Ég sagðist kannski getað sagt þeim nákvæmlega hvenær ég hefði borgað en ég hafði hringt í Seydi til að spyrja hann hvort ég ætti að kaupa vélina. Því miður gat ég ekki séð sept. gemsareikninginn minn en aftur fæ ég hringingu frá real,-. Konan spyr fyrir hve háa upphæð ég hafi keypt, ég segi henni það. OK. Ég er nýkomin heim þegar enn er hringt og konan segir að miðinn sé fundinn!!!!
Vá hvað þetta er frábært fólk þarna, ég sagði líka við konuna að ég væri virkilega ánægð með þessa þjónustu. Hún sagði að þau gerðu þetta af ánægju.

Nú má ég koma til að skrifa undir eitthvað svo hægt sé að senda vélina til Philips.

Þjóðverjar ættu að kvarta meira yfir því að hér sé ekki þjónustulund :) :) :)

Farin að borða fyllt tortellini með jógúrt/hvítlaukssósu

Eigið góðan dag

PS. Eru allir í einhverju sjokki yfir ástandinu á Íslandi. Mér finnst ansi rólegt hérna hjá mér........ Góðar fréttir fyrir mig eru að peningarnir mínir eru "save". Vona það allavega :/ Ég ætti kannski að kaupa Ísland bara? Nei, grín, ég á ekki svo mikið.

Á lífi

Já, bara þokkalega ekki þunn í dag. Passaði mig, í alvöru, að drekka ekki of mikið í gær. Svo stolt af mér. Skemmti mér vel, dansaði mikið og borðaði góðan mat. Skellti mér heim með leigubíl um hálf þrjú. Var m.a.s. það skynsöm að ég tók af mér maskann og setti reykmettaðar buxurnar mínar út á svalir. Nennti samt ekki í sturtu en það lá við að ég væri sú eina sem ekki reykti og hárið á mér var geðslegt, þ.e. lyktin.

Var svo vöknuð klukkan 8 í morgun! Horfði smá á sjónvarpið, fór í sturtu og lá í leti til rúmlega 10 en þá arkaði ég út í bakarí og keypti rúnstykki. Fór svo til tengdó að ná í strákana. Seydi kom svo þangað hálftíma seinna. Það er greinilega ekkert mál að skilja strákana eftir hjá tengdó. Vil samt ekki gera tengdamömmu (geðheilsunni hennar) það að skilja þá of oft eftir. Þeir voru samt voða prúðir og stilltir.

Rólegur dagur í dag enda frídagur, "Tag der Deutschen Einheit" eða dagur sameiningar Þýskalands. Veðrið er fínt, skýjað en sól annað slagið og frekar svalt. Fínt gluggaveður.

Ég verð örugglega mjöööööööööög þreytt í kvöld. Gott að geta sofið lengur á morgun. Ekkert planað um helgina. Ætli ég verði ekki að fara í búð á morgun en það er alltaf hægt að skreppa í Plus hérna neðar í götunni ef eitthvað vantar.

GÓÐA HELGI

Smá viðbót: Ætla að reyna að setja hér inn mynd af mér úr blaðinu í Marl. Ég var að afskrá bíl þegar ljósmyndarinn bað mig um að vera á mynd. Inga og Julian í Marler Zeitung

Miðvikudagur

Ég sit hér eldsnemma á miðvikudagsmorgni, búin að kveikja á Rás 2 og ætla að hripa niður nokkur orð. Breytti líka um útlit til að hafa síðuna svona breiða.

Til hamingju með daginn Eyja mín. Afmæliskveðjur.

Þar sem Julian er í haustfríi þurfum við ekki að vakna eins snemma en um áttaleytið er alveg nóg til að koma Henrik í leikskólann fyrir níu. Í gær var þverhaus litli reyndar svo þreyttur að ég leyfði honum að sofa og sleppa leikskólanum. Það á ekki að gerast aftur í dag. Við ætlum í bókasafnið með Bärbel og Florian og þá er ágætt að vera ekki með alla strákana með. Alveg merkilegt hve það er mikill munur á t.d. Julian þegar hann er einn eða þegar Henrik er í samfleyti, nú eða bara hérna heima........

Í gær t.d. þá fórum við fyrst til IKEA í Duisburg og ekki vildi þverhausinn fara í Småland í pössun, nei nei. Reyndar gerðist slys síðast þegar hann fór í Småland en hann pissaði á sig greyið af því að hann vissi ekki hvar klóið var. Það situr sennilega í honum. Jæja, ég mátti s.s. druslast með hann um alla IKEA, gat ekki skoðan neitt í ró og næði, ekki möguleiki. Fann þó 3 hluti til að kaupa og eftir að hafa náð í Julian keyptum við okkur pylsu, Pollykúlur og kleinuhringi.

Drifum okkur því næst í heimsókn til Seydi en hann er á sjúkrahúsi í Bottrop. Var verið að krukka í "tvíburabróðir" hans! Aftur, en hann fór líka í aðgerð fyrir 5 árum en það gréri ekkert almennilega. Núna tókst allt vel og vonandi lagast þetta alveg. Seydi var allavega hress og glaður að sjá okkur. Hann ætlar að reyna að komast heim á morgun. Okkur er nefnilega boðið í þrítugsafmæli hjá uppáhalds svilkonu minni! Nei, ljótt að segja svona en við eigum bara ekki samleið, þannig er það nú bara. Allt í lagi að hittast annað slagið en fyrir mitt leyti ekki of oft.........mér finnst svo lýjandi að umgangast fólk sem sér ekki eigin galla og finnur allt að öllum öðrum. Nóg um það. Ég ætla að detta í'ða.........eða ekki! Verð alltaf svo andsk.... þunn. Væri best að drekka í hófi (hvað ætli ég hafi sagt þetta oft???) Strákarnir geta sofið hjá dede og babaanne, á bara eftir að segja þeim það :o

Klukkan er núna 5 á Íslandi og einhver þáttur á RUV, örugglega upptaka eða er einhver kominn á fætur svona snemma? Er að hugsa um að skipta um stöð, ekki alveg að fíla þessa músík. Ekkert íslenskt heldur. OK, setti á Bylgjuna. Þeir virðast byrja snemma þar, allavega er verið að spjalla við einhvern. ÖRUGGLEGA um fjármál.........er talað um eitthvað annað á Íslandi? Hér er nú mikið fjallað um þetta í blöðum og fréttum EN hér er "ástandið" í lagi. Svo segir fjármálaráðherra allavega........ég þyrfti að fá svona "krakkaútskýringu" á þessu öllu til að skilja. Hérna eru t.d. alltaf krakkafréttir í TV á hverjum degi þar sem fréttir eru skýrðar út, á skiljanlegan hátt! Svona það mikilvægasta. Ég veit bara að ég ætti auðvitað að skella mér til Íslands og kaupa nokkrar krónur fyrir sterku Evruna mína :)

Eitthvað heyrist innan úr herbergi. Ætli Julian sé ekki að vakna, mér heyrist það. Henrik er meiri svefnpurrka en mér skal takast að koma honum í leikskólann. Nei, nei, kemur ekki litli þverhaus, hálfsofandi samt. Bara eins og kall þegar hann sýgur upp í nebbann og ræskir sig........DÚLLA

Til að halda geðheilsunni verð ég að koma honum í leikskólann. Var svo andlega þreytt í gærkvöld. Henrik var nefnilega líka með læti í íþróttabúðinni sem við fórum í og vildi aftur ekki fara í pössun í Ostermann (risa húsgagnaverslun hér í RE) en mig vantaði dalla fyrir Senseo kaffipokana mína. Julian skemmti sér rosa vel og sagðist hafa fundið strák til að leika við. Hann finnur oftast einhvern til að leika við þegar hann fer svona í pössun. Hann kom því eldrauður og sveittur úr pössuninni og fór beint út í rigninguna og "kuldann".

Já nú er komið haust! Spáð fyrsta hauststorminum í dag. Það rigndi í allan gærdag og laufin gulna og roðna meira og meira. Hitinn er svona um 12°.

Jæja, best að smyrja nesti handa þverhaus, sem er að horfa á barnaefni, og taka til morgunmat. Já og fara í sturtu og klæða mig!

Eigið góðan dag og afsakaði ritgerðina.........

Pabbi landsfrægur

Það er aldeilis, pabbi bara mættur aftur hjá "Silfur Egils". Meira sem hann er frægur kallinn. Þó svo að ég hafi nú takmarkaðan áhuga á pólitík, hvað þá á Íslandi, fannst mér pabbi flottur. Strákunum fannst ægilega merkilegt að sjá afa í "sjónvarpinu". "Halló afi" sagði Henrik og svo "hann heyrir samt ekki í mér". "Afi er með skegg" sagði Julian, "ég vissi ekki að hann væri með skegg" :)

Er ég þá ekki smá fræg núna? Ég ímynda mér það allavega ;)

Sólin bara skín og skín og skín, dag eftir dag. Opinn sunnudagur í dag og FULLUR bærinn af fólki. Kíktum á bílasýningu. Þar sá ég nokkra álitlega bíla. Seydi langar mest í Volvo CS 90 en mér myndi nægja svona lítill Colt. Mig dreymdi alltaf um að eiga Colt. Viðurkenni samt að mig langar mest í Ford Kuga............

Knús á ykkur

Altweibersommer...

...kallast dagarnir núna þegar hæð er yfir landinu, stillt og sólríkt veður. Sólin skín því á alla köngulóavefina. Á ensku kallast þetta "Indian Summer". Á að vera svona áfram næstu daga. Heppilegt fyrir skipuleggjendur miðbæjarhátíðarinnar sem byrjar í dag og á sunnudaginn eru opnar búðir. Eitthvað verður um músík, bílasýning og eitthvað fyrir börnin. Nú er haustfríið byrjað svo að það má búast við múg og margmenni í bænum um helgina.

Síðustu 3 daga hef ég þurft á skráningarskrifstofuna til að bæði skrá og afskrá bíla. Í dag þurfti ég reyndar ekkert að bíða en hina 2 dagana hef ég þurft að sitja þarna í allt að 1 og 1/2 tíma. Þar kennir ýmissa grasa eins og sagt er. Allt frá slæðukonunni í gamlan afa, frá "apecut" (sítt að aftan) gæja í mega beib. Oft sé ég sama fólkið aftur og aftur, fólk sem vinnur við að skrá og afskrá bíla t.d. fyrir bílasölur. Mér finnst alltaf jafn merkilegt hvað það eru til margar útgáfur af fólki. Reyndar finnst mér ég alltaf vera að sjá einhver sem minnir mig á einhvern sem ég þekki. Ein konan sem kemur oft þarna minnir mig t.d. á Völlu frænku, hún labbar m.a.s. eins.

Sumir virðast alveg vera fastir í 80´s tískunni. Ég er þeirrar skoðunar að sú tíska sé eitt mesta slys síðust aldar, þ.e. tískulega séð. Fæ alveg hroll þegar ég hugsa um grænu joggingbuxurnar mínar.......víðar um mjaðmirna og þröngar um kálfana! OJ. En þetta fannst manni flott og mamma var svo góð að sauma allavega 3 svona buxur handa mér. Sítt að aftan finnst mér alveg hræðilegt. Virðist vera í tísku hjá sumum hér, sérstaklega ungum suðrænum mönnum. Nei, mér bara getur ekki fundist þessi klipping flott.

Sjálfsagt var ekki allt hallærislegt á þessum unglingsárum mínum. Legghlífar eru OK, ég myndi sjálf ekki ganga með þær í dag, ekki heldur með kraga. Gæti hugsað mér að ganga með grifflur. Kannski var maður bara hallærislegur sjálfur. Þegar ég skoða myndir af mér finnst mér það stundum. Sérstaklega með broddaklippingu OG smá sítt að aftan.........*hrollur* eða með hárið í augunum í svörtum samfesting 1983! Jólamyndin, úff. Unglingaútlit á háu stigi. Ekki var maður gáfulegur á fermingarmyndunum. Pétur ljósmyndari spurði mig hvort ég væri ekkert máluð þegar ég kom í myndatöku???? Ég neitaði því nú enda ekki farin að nota þannig dót, var of mikill strákur til þess eða eitthvað. Ég mátti því klína einhverju púðri á mig og setja smá varalit til að ég liti nú út eins og ung kona en ekki ungur maður. Var reyndar með blóm í hárinu og þessa líka æðislegu sveiflu í toppnum.


Nei, mig langar ekki til að vera 14 aftur. Væri svo sem alveg til í að verða 25 aftur og líða eins og í dag EN það er bara ekki hægt. Allir eldast........ég líka.

Góða helgi

Alger Grýla!?

Það er svo sem ekkert nýtt að ég fylgi Julian í skólann en í morgun varð ég var við að 3 strákar voru að stríða Florian, þeir voru töluvert í burtu svo ég heyrði ekki alveg hvað þeir voru að segja við hann, nema eitthvað í sambandi við gröfur. Heyri að Florian segir þeim að þegja, hann getur alveg varið sig strákurinn enda næstum því höfðinu stærri en þessir 4.bekkingar, (hann er í 3ja bekk).

Hvað um það. Þegar við nálgumst þá segir Henrik hressilega "Halló Florian". Þá segir einn montrassinn "Ekki Florian, frekar Ruslakall" (Schrottmann). Ég sagði þá án þess að hugsa......"Er ekki í lagi hjá þér, ég þekki foreldra þína svo þú skalt passa þig"! *Steinþögn*. Við löbbum áfram og ég kveð strákana. Flori segir að þetta séu rugludallar. Montrassinn horfir á mig þegar við mætumst aftur og ég á móti með Grýlusvip........... Úps, var þetta heldur gróft hjá mér? Er búin að velta því fyrir mér í allan morgun hvort að þetta væri kannski hótun. Ég laug því ekki að ég viti hverjir foreldrar hans eru, systir hans er á deild með Henrik. Mamman er svona *ó, ég er svo fullkomin* týpa, frekar óvingjarnleg en sjálfsagt fínasta kona ef ég myndi kynnast henni. Pabbinn virðist vera fínn kall. Svo hefur það oft ekkert að gera með foreldrana hvernig krakkarnir láta þegar þau eru ekki nálægt.

Mér bara leiðist einelti því þetta er ekkert annað. Þeir voru þarna 3 gaurar að mana hvern annan upp í að finna eitthvað til að skjóta á Florian. Þeir vita alveg að hann er með öðruvísi áhugamál en flestir krakkar. Og hvað með það? Ég veit alveg að margir krakkar stríða og enn aðrir leggja krakka í einelti. Er ekki best að kæfa þetta bara í fæðingu? Ég hef svo litla reynslu af svona, nema þá það sem gerðist á mínum uppvaxtarárum en þá hét allt stríðni!

Hjálmar, þú hlýtur að hafa skoðun á svona. Var ég of grimm? Mér fannst montrassinn líka vera að skemma fyrir Henrik. Hann svona lítill að heilsa vini sínum. Kannski er ég að gera úlfalda úr mýflugu. Væri gaman að heyra ykkar álit.

Knús

Nýtt/gamalt útlit

Var búin að fá leið á þessum skærgræna lit svo ég breytti aftur um útlit, þó ekki því að síðan var svona fyrir skömmu.

Dagurinn verður ekki eins og ég sagði í ummælunum. Bärbel hringdi og sagði að krakkahátíðin væri ekkert fyrir Florian en hann er með mjög "sérstök" áhugamál. Sem dæmi kaupir hann sér frekar vélsög eða borvél í byggingavöruverslun heldur en eitthvað dót ef hann fær pening í afmælisgjöf. Allt sem við kemur rafmagni, götugerð, byggingarvinnu og hreinlega allt "á bakvið tjöldin" er hans áhugamál. Þegar hann fer í tívolí hefur hann meiri áhuga á rafmagnsleiðslum, vatnsleiðslum osfrv. heldur en leiktækjum. En hann og Julian ná samt vel saman og leika oft saman í frímínútum.

Strákarnir eru ennþá á náttfötunum og ég bíð eftir því hvort mamma kíki á msn. Best að kveikja á Rás 2. Seydi er farinn í boltann. Veðrið er stillt, skýjað og 14° hiti.

Sé til hvað við gerum í dag. Kannski við rennum bara til Dorsten eða í Vestlandhalle. Nú eða bara í bíó.

Eigið góðan sunnudag

Áður en...

...kommentin í vefdagbók Julian fara út í eitthvert systra rifrildi ætla ég frekar að blogga hér. Það er þá hægt að skrifa ummæli um það hér :)
Fyrir þá sem ekki vita um hvað málið snýst þá heldur Unnur systir að ég hafi bara við góð í að kasta kúlu.........uhu uhu, ég er svo sár :´(

Þetta var nú meira grín með hver er sprettharðastur, eða var. Ég veit alveg að ég hljóp hratt sem krakki/unglingur, vann mörg verðlaun fyrir það, ekki bara fyrir að kasta kúlu. Er það mont að segja þetta? Þetta eru bara staðreyndir.

Í dag held ég samt að báðar systur mínar muni hlaupa hraðar en ég enda í feykigóðu formi báðar tvær. Minn íþróttaferill var stuttur og íþróttir taka lítinn tíma af mínu lífi í dag. Eiginlega eru hlaupin hér upp á 4. hæð eina íþróttin sem ég stunda daglega. Af og til hjóla ég í bæinn eða um sveitir. Mér finnst alveg hræðilega leiðinlegt að hlaupa úti, ég nenni ekki í líkamsrækt og gef mér bara ekki tíma til að fara t.d. út að labba reglulega.

Nú þegar maður nálgast fertug, er ekki seinna vænna en að fara að huga vel að heilsunni. Verður ekki alltaf erfiðara að leggja af? Mig minnir að ég hafi lesið það. Reyndar er ég alveg heilsuhraust, get alveg hlaupið upp og niður stigann án þess að blása (mikið) úr nös. Mestar áhyggjur hef ég af mjöðmunum, ég verð að passa mig þar og muna að vera með innlegg í öðrum skónum. Annar fóturinn er sko minimal styttri en hinn.

Nú er ég farin að gera mér einhverjar grillur! Ég er svo löt að ég nenni engan vegin að hreyfa mig of mikið. Finnst ömurlegt að reyna of mikið á mig. Þessi innri "svínahundur" (eins og sagt er hér) er ansi þrjóskur hjá mér og erfitt að vinna á honum. Já, ég viðurkenni bara að ég nenni bara ekki að reyna á mig............og hananú.

Mér finnst samt gaman að hjóla, verð bara að fá mér almennilegt hjól. Þoli ekki þetta 3ja gíra hjól sem ég á. Alltof erfitt að stíga það! Ha ha ha. Kemur enn í ljós hvað ég nenni ekki að reyna á mig. Afsakanir og ekkert nema afsakanir. Svona er þetta bara. Ætti ég ekki bara að fara í jóga? Veit samt ekki hvort að það sé svo góð hugmynd. Ég er svo ofboðslega óliðug og get ekki setið í þessari jógastellingu með beint bak, alveg ómögulega. Sumir geta þessa stellingu, m.a. Seydi og Julian, já og ein ónefnd sem festist með fæturnar aftan við haus, uppi í glugga! Alltaf jafn fyndið að rifja það upp. Ég var voða afbrýðisöm úti liðugleika þessarar ónefndu. Ég var eins og spýtukall við hliðina á henni, með mína stóru vöðva og feitu læri.

En ég var samt spretthörð.............

Góða helgi

PS. Plön breyttust, Seydi fer til Franfurt á morgun. Er núna með Henrik á rúntinum og við Julian ætlum að fara út í góða veðrið.

PPS. Þetta blogg er skrifað beint upp úr hugsunum mínum, ég les bara yfir til að kanna hvort það séu nokkuð of margar villur. Elska ykkur.

Húrra...

...og jibbí jei eins og mamma orðaði sms´ið til mín í gær. Pakkinn er kominn!!!! Ég er viss um að þeir hjá póstinum hafa fengið hugboð frá mér en ég fyllti út eitthvað eyðublað, til að láta leita að pakkanum, á föstudaginn. Efast um að það eyðublað hafi verið komið í hendur þeirra sem voru ekki að vinna vinnuna sína. En þetta er gott mál bara, pakkinn var heill á húfi. Samt hulin ráðgáta hvar hann hafi falið sig allan þennan tíma.

Eins og þið vitið hef ég verið að leika mér á "yearbookyourself" undanfarið. Ég er ekki að grínast með það að mér finnst ég kannast við ansi margar greiðslur þarna, eru eins og beint upp úr skólabókinni minni frá USA! Það er heldur ekkert grín að ég sé eins og Brian sem útskrifaðist með mér, Brian Harris. Því miður gleymdi ég, enn og aftur, að taka bókina með mér hingað. Kannski getur einhver á Garðarsbrautinni kíkt í bókina og borið myndirnar saman. Getur samt eiginlega ekki verið því að þessi "Brian" greiðsla á að vera frá 1992 og ég var nú þarna 1988. Jeminn eini, það eru 20 ár síðan...........Og ég er að missa af 20 ára bekkjarmótinu sem haldið verður um þarnæstu helgi :( Verst að vera ekki milljónamæringur með einkaþotu.

Sólin skín, hitinn er um 14°, gott mál bara. Er á leiðinni í bókasafnið á eftir (eins og oftast á fimmtudögum).

Knús

Ekki segja mér....

Eins og Brian sem útskrifaðist mér mér....

...að ég hafi ekki átt að fæðast sem strákur.......ég hef nýjar sannanir. Gjörið svo vel. Ef þið trúið mér ekki hef ég fleiri sannanir!

Hafliði endurfæddur

Knús

Áður en ég gleymi

Einhvern tímann var ég búin að segjast ætla að blogga um Serbíu. Best að gera það áður en ég gleymi því....

Ég vissi ekki alveg við hverju ég ætti að búast þegar vitað var að við myndum keyra í gegnum Serbíu á leiðinni til Tyrklands í sumar. Fáfræði veldur fordómum, segi ég bara. Ég vissi auðvitað að þeir unnu Eurovision og héldu keppnina með glæsibrag en ég vissi líka að alls konar villimenn halda sig þarna ennþá. Kom jú í ljós að Karacic var handtekin meðan að við vorum í Tyrklandi. Í Belgrad, borginni sem ég var nýbúin að keyra í gegnum....

En hvað um það. Það var nú ekki auðvelt að komast inn í landið. Serbía er jú ekki í EB og þegar við sáum löööööööööngu röðina við landamæri Ungverjalands-Serbíu snérum við við, Seydi fann einhvern tyrkneskan vörubílstjóra á bílastæði þarna rétt hjá og hann vísaði okkur á minni landamæri í um hálftíma fjarlægð. Við þangað.......í gegnum skóga Ungverjalands á litlum sveitavegum. Mjög fallegt umhverfi. Þegar við komum á landamærin voru kannski 10 bílar að bíða! Vá, við heppin. Fréttum seinna að fólk hefði beðið í allavega 5 tíma við hin landamærin. Landamæraverðirnir voru ekkert nema almennilegheitin, sérstaklega þeir í Serbíu. Kunnu m.a.s. aðeins í tyrknesku enda keyra þarna þúsundir Tyrkja í gegn á sumrin.

Við keyrum svo aðeins um sveitir Serbíu áður en við komumst aftur á hraðbrautina. Ekkert smá sem Serbar hafa byggt upp vegina hjá sér og byggt fínar og flottar bensínstöðvar með reglulegu millibili. Þar var fólkið líka ekkert nema almennilegheitin og við keyptum rosa gott Fanta með ananasbragði (keyptum það aftur á leiðinni heim, ég bara varð....) Það var dálítið þreytandi að keyra í gegnum Belgrad enda engin hraðbraut svona meðfram eins og t.d. í Sofia í Búlgaríu. En Serbar eiga örugglega eftir að redda því. Reyndar verður örugglega ekki eins auðvelt að búa til hraðbraut skammt frá landamærum Búlgaríu en þar eru þvílíkir klettar og göng í gegn (Sicevo Canyon á milli Bela Palanka og Nis). Við keyrðum þarna í myrkri og ég vissi ekki hvar við værum lent! Sá bara kletta við hliðina á bílnum og göng annað slagið. Á leiðinni til baka sá ég þetta betur en gat ekki tekið neinar myndir þar sem erfitt var að finna stað til að stoppa og ég var við stýrið. Þarna keyra hundruðir ef ekki þúsundir flutningabíla í gegn. Samt var betra að keyra þessa leið heldur en í gegnum Rúmeníu. Þeir hafa alveg misst af lestinni, ekki byggt neina almennilega vegi svo nú keyra allir Tyrkirnir í gegnum Serbíu, þó svo að Rúmenía sé í EB og landamæravarslan í lágmarki. Ég sakna þess ekki að keyra í gegnum Rúmeníu!

Video af Sicevo Canyon:

http://www.youtube.com/watch?v=PgqoiOzuQg0

Mig langaði bara að koma þessu frá mér. Serbía kom okkur Seydi skemmtilega á óvart sem nútímalegt land með vingjarnlegu fólki. Eins og maður hafi búist við einhverjum ribbaldalýð og sundurskotnum húsum!!!

Já og á leiðinni heim.....jeminn eini, ég á bilaðan mann! Við komum að landamærunum til Ungv.lands og sáum röð, ekkert mjög langa EN það tók heila eilífð að komast áfram, við hreyfðumst kannski 2 metra á hálftíma....sáum landamærin og allt en ekkert gekk. Eftir að hafa komist í gegnum tollinn í Serbíu, vorum s.s. á "milli landamærastöðva" fær Seydi þessa frábæru hugdettu að fara aftur inn í Serbíu og á hin landamærin. Við vorum næstum því búin að fara þangað aftur en Seydi ákvað að láta á reyna, þ.e. fara á stærri landamærastöðina. Og vitiði hvað maðurinn gerði! Hann tróð sér í gegn um röðina, á ská og afturábak........við fórum aftur inn í Serbíu og keyrðum á minni landamærin......ég hélt ég yrði ekki eldri. Tollgæslumaðurinn hló nú bara að okkur og grínaðist. Seydi flýtti sér heldur mikið í Subotica að löggan stoppaði hann á 63 km/h (50 var hám.). Seydi röflaði svo mikið í honum að á endanum létu þeir 10 Evrur nægja. Ætluðu að senda okkur í hraðbanka og alles. Seydi er ekki eðlilegur. Á "litlu" landamærunum grínuðust þeir líka í okkur. Núna erum við allavega með fullt af stimplum frá Serbíu í pössunum okkar! Það var komið kvöld og við keyrðum bara eins og alein í heiminum um sveitir Ungverjalands, GPS tækið hafði ekki hugmynd um hvar við vorum svo við keyrðum eftir korti og það var róandi að sjá ljósin í Búdapest eftir að hafa keyrt yfir einhverja risa brú yfir Dóná. Ég veit ekki hvað við keyrðum oft yfir Dóná á þessu ferðalagi. Ég hefði átt að vera með videovél...... Punktur.

Haustið er komið. Það var kalt í dag, bara um 14° og skýjað. Ég elska haustlyktina sem kemur af manni eftir smá gönguferð. Eða að þvottinum sem hangir úti. Unnur: Sá að þú elskar líka haustið ;)

Knús á ykkur sem nennið að lesa.
Ég er allavega glöð að hafa kynnst Serbíu, þó ekki hafi verið nema á bensínstöðvum og svona útum gluggann. Væri alveg til í að fara þangað í frí.

Heiladauð

Ég er svo heiladauð núna eftir að hafa setið á barnaspítalanum í Datteln í tæplega 3 klukkutíma. Það á örugglega eftir að koma tóm steypa frá mér núna.....

Ekki halda að eitthvað hafi komið fyrir, nei nei. Henrik átti tíma hjá talmeinafræðingi ofl. þarna. Fyrst fór hann í voða flott heyrnaprófa og það gekk rosa vel, kallinn var bara eins og best agaða barn í heimi :) Svo kom smá bið og þar næst fór hann í talpróf. Það gekk líka voða vel nema það kom í ljós að hann þarf hjálp við að segja suma stafina. Ætli þetta heiti ekki essmæltur á íslensku. Það er líka alveg rosa erfitt að segja t.d. "sch" á þýsku, prófiði bara.......En allavega, eftir þetta þurftum við að bíða í tæplega klukkutíma eftir að læknir liti á hann, í eyrun og munninn. Ekkert merkilegt að sjá þar nema smá kvef.

Við þurfum s.s. að fara að leita að góðum talmeinafræðingi til að fara til. Fyrst fengum við "reseft" (hvernig er þetta eiginlega skrifað???) upp á 10x45 mín. tíma. Sjáum til hvað kemur út úr því. Eigum að melda okkur aftur á spítalanum í apríl/maí.

Sólin skín á næstum því heiðum himni og hitinn er um 28° í dag! Á nú ekki að vera neitt svona áfram en enginn kuldi á nánd. Gott mál bara. Ætla í bóksafnið með Bärbel og Florian á eftir. Kannski við fáum okkur ís eða eitthvað sniðugt í þessu góða veðri.

Og já, það er kominn fimmtudagur og ég verð eiginlega að labba á pósthúsið til að byrja að láta leita að pakkanum. Geri það kannski í fyrramálið. Best að leyfa þeim að fá séns í dag til að koma pakkanum til skila andsk.... hafi það.

Skellti mér á eitt stykki "Senseo" kaffivél í gær. Langaði voða í hana og þar sem hún var á tilboði ákvað ég að láta slag standa. Til hamingju ég...

Knús

Hitt og þetta

Er ekki komið nóg af þessum geggjuðu myndum af mér???

Hef verið að skoða margt á netinu í dag, aðallega fréttir á mbl.is og blogg sem því fylgir. Las um einelti, "endalok heimsins" á miðvikudaginn, komu flóttamanna til Akraness í kvöld, afþökkun Söruh Palin í Oprah, mosadauða við Hellisheiðavirkjun og eitthvað fleira. Kom s.s. víða við í dag. Á eftir að kíkja í vefmyndavélina á Víkinni góðu, þá er þetta orðið ágætt.

Skemmtilegast í dag var samt að tala við Unni systur. Við höfum ekki heyrst í aaaaaaaaaalltof langan tíma. Ég er alltaf að fara að hringja í hana.......og fleiri. Er voða ódugleg við að hringja í fólk. Nema þegar það á afmæli kannski. Þá hellist yfir fólkið mitt, e-kort, sms, kannski pakki og hringing. Mætti samt taka mig á og hringja oftar í fólk, heyra röddina.

Pakkinn sem ég sendi til Íslands fyrir tæplega fjórum vikum er en EKKI kominn! Ég er vægast sagt orðin reið........eins gott fyrir pósthúsliðið að pakkinn komi fyrir fimmtudag því ef ekki mun ég storma niðureftir og hella mér yfir liðið. Verst er að þetta var böggull og því enginn fylgimiði, ekkert númer til að leita að. Einu sinni lenti pakki frá mér til Bólivíu!! Finnst ykkur það eðlilegt? Ég vona að pakkinn hafi "bara" lent óvart á Írlandi. Þeir hljóta að koma honum til skila. Finnst nú 4 vikur heldur langur tími. Ég bara skil þetta ekki. Ætli einhver hafi bara stolið honum? Ekki voru nú mikil verðmæti í honum, peningalega séð. Verst finnst mér um fötin hennar mömmu sem hún gleymdi hjá mér! Ég verð að vera jákvæð og trúa því að pakkinn komist til skila.

Nóg komið að nöldri. Veðrið er alveg geggjað núna, sólin skín hérna á svalirnar og hitinn á að fara í 26° á morgun. Enn og aftur komið "síðsumar". Ég var að vonast til að fara að nota nýja jakkann minn en hann verður sennilega að bíða í smá stund í viðbót. Síðsumur eru fín.

Jæja, þvottavél númer 3 er að vinda. Bara handklæði,hendi þeim nú í þurrkarann. Eða hvað......nú er þurrkurinn svo fínn úti. Kannski ég hengi þau út á svalir bara......

Knús