Vinkona

Í dag á besta vinkona mín afmæli. Hún Helga Dóra er 29+ í dag :) Búin að ná mér eins og á hverju ári. Við höfum þekkst síðan 1974, það er laaaaaaaaaaaaaangt síðan. Og það er laaaaaaaaangt á milli okkar. Samt erum við sálufélagar. Það hefur nú oft sannað sig. Það besta við afmælið hennar í dag er að pakkinn sem ég sendi til hennar á miðvikudaginn eftir hádegi* er kominn!!!! Kom á föstudaginn. Segiði svo að pósturinn standi sig ekki.

Best að hringja í gelluna :)

2 dagar í heimsóknina!

Veðurspá

Ekki lítur spáin vel út.........spáð rigningu næstum því alla dagana sum Unnur og Hlynur verða hjá okkur! Helvítis..........setur allt úr skorðum. Ætlaði nú að fara með mæðgin í skemmtigarða og horfa á fótboltaleiki á stórum skjá niðrí bæ! Ég VONA innilega að þessi drulluspá rætist EKKI. En við látum nú smá vætu ekki stoppa okkur alveg er það nokkuð Unnur mín?

Í dag er svo yfirþyrmandi rakt loftið að ég er með hausverk, reyndar búin að vera með verk í nokkra daga. Rykið frá Sahara gerir allt svo skítugt og mettað. Allir bílar ógeðslega skítugir, oj. Ég held ég fari með strákana á leikvöllinn, þeir eru órólegir og uppstökkir.

Til hamingju með afmæli Stella mín.

Góða helgi

Mynd ofl.

Ætli maður verði ekki að setja inn mynd skötuhjúunum á djamminu, við erum svo skemmtilega bleik :)

Þarna var ég bara búin með svona 7 (litla) bjóra........hafði ekki tölu á þeim á endanum!

Jæja, kominn þriðjudagur. Ég skutlaðist til Dortmund í morgun að sækja krók sem Seydi setti svo á bíl fyrir kúnna. Gerði nú mest lítið í vinnunni, skúraði gólfið á skrifstofunni og þurrkaði af. Keypti líka pappír í prentarann og ruslapoka. Seydi er í hreingerningarhug.........eða hreingjörningar eins og mamma orðaði það á msn :) :) :) Fyrirgefðu mamma en ég bara varð, þetta kom svo skemmtilega út. Ég spurði hana hvort að hún hefði verið með gjörning!? Æi, það misskilst svo margt á msn, alveg óþolandi stundum. Ég er nú svo löt að logga mig inn. Geri það helst ekki nema hafa virkilega tíma til að tala við einhvern. En hver nennir að tala við einhvern sem loggar sig aldrei inn!!!!!!!

Jeminn, það er ekki vika þangað til að Unnur og Hlynur koma. Ég ekki enn búin að hringja í BVB í Dortmund til að kanna hvernig hægt sé að fá miða til að skoða völlinn hjá þeim! Geri það á morgun.

Í dag fann ég hvernig hitinn helltist yfir landið. Ryk frá Sahara var komið alla leiðina hingað og var því nokkuð mistur. Þegar ég fór í vinnuna um níu var 15° hiti en um tvöleytið komið í 23°. Og það er spáð enn meiri hita en hann var þó enn meiri í S-Þýskalandi, allt að 32° og hækkandi!! Þessu fylgir þó nokkur raki svo það er ekki eins þægilegt að vera úti eins og um daginn þegar hitinn var sem mestur. Þvotturinn þornar líka hálf illa. Sem minnir mig á að ég á eftir að hengja upp þvott. Best að gera það núna, hef hvort eð er ekkert merkilegt að segja. Strákarnir eru að horfa á "Cars" sem Henrik valdi í bókasafninu. Ég hlusta á einhverja tónlistarstöð í imbanum, núna er Meatloaf kallinn.

Jæja, þvotturinn bíður. Farið vel með ykkur.

Daginn eftir júró

Hvernig er hljóðið í fólki? Eru ekki allir að fíla sigurlagið? Ekki ég, finnst það leiðinlegt og viðlagið stolið úr "You are Everything" með Diana Ross og Marvin Gaye. Þetta lag á sennilega eftir að gleymast fljótt.

En ég veit ekki hvað ég er svo sem að röfla, er ekki einu sinni búin að horfa á keppnina...... Veit samt að Þýskaland skeit á sig sem oftar. Án stiganna frá Búlgaríu hefðu "ekki englarnir" verið aaaaaaaleinar neðst. Sennilega fengu þær þessi stig þar sem Lucy (þessi rauðhærða) er búlgörsk og situr í dómnefnd IDOL þar í landi.

Ég legg til að Ísland sendi Túpílakana eða Ljótu Hálfvitana næst..........

En allavega, Seydi kom hérna heim um hálf sjö í gær og sagði "taktu þig til, við erum að fara í afmæli, strákarnir fara fyrst til ömmu og afa. Sultan sækir þá þangað og þeir sofa hjá henni" ÓKEI. Mér tókst að koma upp spenningi hjá strákunum með því að segja þeim að þeir mættu nú pakka einhverju dóti í töskurnar sínar til að fara með. Þeir voru nefnilega alveg óvissandi um þetta afmæli enda bjóst ég ekki við að við fengjum pössun.

Akkúrat þegar Seydi er að skella sér í sturtu kemur Timor (sem vinnur hjá Seydi) með dóttur sinni (sem túlk) til að spjalla við Seydi útaf vinnu, pening osfrv. Nenni ekki að tíunda það hér. Ég gat ekki skilið gestina eina eftir svo ég sat hjá þeim þar til Seydi var búinn í sturtu en þá fór skutlan að taka sig til. Það er svo langt síðan að ég hef farið út að skemmta mér hér að það hálfa væri nóg. Var nú samt ekkert lengi að taka mig til frekar en vanalega. Valdi mér svartar buxur og bleikan bol og sléttaði á mér hárið. Hugsaði "ætli ég sé nógu fín fyrir þessa fótboltakalla?" Strákarnir voru EINS OG LJÓS og kvöddu okkur. Allt gekk vel og þeir hinir ánægðustu.

En að mér aftur. Seydi var í því þegar við komum að kynna mig fyrir þessum köllum. Frekar pínlegt á stundum en allt í lagi. Þeir spurðu nokkrir hvort ég væri virkilega frá Íslandi.....kannski búist við ljóshærðri bombu. Nei grín, þeim bara finnst það merkilegt. Hitti líka einn sem hafði verið á Íslandi í nokkra daga og langar svoooooooooo aftur.

Þetta afmæli var alveg frábært. Hlaðborð, grill, diskó og áfengi. Ég hef ekki dansað alltof lengi en hrikalega var gaman að dansa. Seydi dansaði nú ekki við mig nema einn dans eða svo enda lítið fyrir að dansa. Við vorum komin heim um hálf fjögur held ég. Annar sem hélt afmælið, voru sko 2 sem höfðu orðið fertugir, spurði nú hvort ég vildi ekki verða eftir og senda Seydi bara einan heim.........neeee ég hélt nú ekki. Þegar við komum heim sagði Seydi mér að ég hefði komið köllunum skemmtilega á óvart! Ég veit ekki við hverju þeir bjuggust, ekki ljóshærðri bombu greinilega, hahaha. Einn þeirra (Tyrki) hélt að Seydi ætti feita konu! Leist þessvegna svona líka vel á mig eins grönn og ég nú er, hahahaha. Konan hans er miklu grennri (og eldri).

Allt í allt skemmtilegt kvöld, nema kannski úrslitin í júró en það kemur júró eftir þetta.

Spáð allt að 35° hita í næstu viku og raka = þrumuveður. Unnur mín, þetta á vera búið í lok vikunnar.........verður ekkert rosa heitt þegar þú kemur, segir spáin í dag.

Jæja, nóg í dag. Ætla að horfa á mynd í sjónvarpinu "The Geisha".

Bullið í mér

Þegar ég skoða síðustu færslu sé ég ekkert nema bull........kannski ekki bara en allavega hluti af henni er "rangur". Ég fór EKKI með strákana í Legoland, fannst það of dýrt enda innileikvöllur og meira svona fyrir rigningardaga. Bärbel vinkona kom með þá hugmynd að fara í "Naturwildpark" í Haltern sem er í svona 20 mín. fjarlægð. Aldeilis góð hugmynd í þessu líka fína veðri. Myndir er hægt að sjá á síðum strákanna. Á eftir að setja þær inn sem link hérna.

Önnur rangfærsla var þetta með jógúrtið. Ég var ekkert með cevapcici í matinn heldur eitthvað allt annað. Svona er þetta MJÖG oft hjá okkur, allt voða "spontan". Hvað kallar maður það á íslensku? Með stuttum fyrirvara kannski, passar samt ekki alveg við það sem ég er að meina.
Ég er ekki mikið fyrir að plana fram í tímann heldur gera bara það sem mér dettur í hug þann daginn. Sumt verð ég að plana eins og viðtöl í leikskólanum eða læknisheimsóknir. Reyndar eru margar okkar læknisheimsóknir (sem eru ekki margar á ári) oft "spontan" eins og t.d. í dag þegar Henrik vaknar með bólgin augu. Það lagaðist þegar leið á daginn og læknirinn sagði að þetta væri ekki vírus. Hjúkk segi ég bara. Hann er víst búinn að fá vírusa í augun nógu oft.

Í gær fann ég plagg sem hafði leitað dauðaleit í nokkra daga.........alveg frábært. Nú get ég gert skattaskýrsluna mína og skilað á tíma (fyrir 31.maí). Ég er alltaf á síðustu stundu með hana, eins og hún sé rosa flókin!

Dagurinn endaði náttúrulega FRÁBÆRLEGA. Ísland komst í úrslit Eurovison. Ég viðurkenni að ég bjóst ekki við því, vonaði það auðvitað innst inni. Og uppáhaldið mitt, Tyrkland, komst líka áfram. Alveg snilld bara.

Efast um að við fáum pössun annaðkvöld svo að það endar örugglega með því að Seydi fer einn í afmæli hjá tveimur fótboltafélögum. Kannski er það bara betra, þá getur hann skemmt sér án þess að eiga hættu á því að konan hans drekki og mikið og verði sér til skammar :D:D:D Já og ég horfi þá á Eurovision í friði og hringi fyrir Ísland og Tyrkland :)

Góða helgi, sólin skín og í dag er 23°. Er ekki fínt veður á Íslandi líka?

Með hækkandi sól...

...styttast buxurnar! Sem þýðir að ég þarf að raka lappirnar reglulega til að líta ekki út eins og api nýsloppinn úr dýragarði! Rökun er ekki beint í uppáhaldi en bráðnauðsynlegt eins og að "afsminka" sig á kvöldin. Það finnst mér ógurlega leiðinlegt.

Ég reyni nú að ganga ekki í of stuttum buxum, 7/8 er fínar, sést mátulega mikið/lítið í leggina. Það er ekki eins og ég sé með þessa svaka geggjuðu kálfa, ó nei, fótboltakálfar heita þetta nú....... Ég man svooooooooo vel eftir bláum samfesting sem mamma saumaði (eins og margt annað) og hann var ekki alveg síður. Ég var því alltaf að reyna að passa það að það sæist alls ekki í fótboltakálfana! Það er til mynd af mér í þessum samfesting, ég sit og það sést einmitt í annan kálfann :O Hryllingur fannst mér, get hlegið að þessu í dag. Það er vandlifað :)

Sólin skín jú núna og hitinn að nálgast 20° aftur. Spáð fínu veðri um helgina. Frídagur á morgun. Ætla með strákana í Legoland Duisburg. Ekki alvöru Legoland heldur innileikvöllur með ýmsu úr Lego osfrv. http://www.legolanddiscoverycentre.com/Duisburg/en/home?

Seydi var að hringja. Er á leiðinni heim og klukkan er hálf fimm! Hann hlýtur að vera veikur..... Æi greyið, hann segist vera með hausverk og illt í bakinu. Ég get þá farið í búð og keypt nokkra hluti sem vantar. Vantar t.d. hreina jógúrt til að hafa með "Cevapcici" (kjötrúllur). Er samt ekkert svöng ennþá, var að úða í mig vöfflum a la Inga. Með rabarabarsultu og alles :)

Sólarkveðja

Eurovision

Jibbí, Armenía komst áfram. Var líka ánægð með að Noregur kæmist áfram. Mér var sama um hitt. Nú er vona að Ísland og Tyrkland komist áfram á fimmtudaginn :) Ég get ekki hringt en get horft, vonandi, á pólskri, tyrkneskri eða einhverri annari stöð (ERT).

Seydi var að koma heim en hann var hjá systur mömmu sinnar. Eitthvað útaf bíl sem hann "á víst" að kaupa af þeim. Hann var að sleppa orðinu "Inga, fólkið mitt er svo flókið". Segist ALDREI aftur ætla að gera við bíla fyrir vandamenn........bara vandræði sem fylgja því. Þetta er orðið svo flókið allt saman að það hálfa væri nóg. Seydi minn hefur ekki gert neinum illt en þetta "pakk" stimplar hann sem ræningja, gróðapúka, nískupúka og ég veit ekki hvað. Hann á þetta ekki skilið!

Ætla að horfa á House MD, missti af því í kvöld. Var auðvitað að horfa á Eurovision eins og góðum aðdáanda sæmir. Hvað segir Unnur? Ertu sátt?

Góða nótt

Prufa

Ég ætla að vita hvort ég get bloggað almennilega hér. Vil samt eiginlega vera hjá íslenskum bloggþjón en ætla samt að ath þetta. Það má vel vera að ég get ekkert bloggað almennilega þar heldur. Hverju er mælt með? Blogcentral kannski? Æi ég veit ekki. Hér get ég ekki haft þetta á íslensku, nema það sem ég skrifa auðvitað.

Er ekki aðalatriðið að ég komi því á "blað" sem mér dettur í hug þá stundina? Ég held það nú. Mér er alveg sama þó að ég sé þá ekki á blog.is. Er fyrst og fremst að blogga fyrir vini og ættingja. Já og fyrir sjálf mig.

Jæja, það er best að horfa á úrslitin í Eurovision, 1. Semifinal.
Kveðja