Smá tími

Allir sofandi hér á bæ, nema ég, svo það er best að nota tækifærið og skrifa nokkrar línur. Ég er búin að fara í sturtu, setja í þvottavél og þvo potta og pönnur. Sólin skín, enn, en eitthvað er nú hitinn að gefa sig, bara spáð 19° í dag og það gæti rignt seinni partinn. Annars er veðrið búið að leika við okkur svo þetta er bara í góðu lagi.

Fórum á RISA leikvöll í gær. Hlynur var alveg stórhlessa á þessu öllu. Ég reyndar líka en ég hafði ekki komið þangað þó að völlurinn væri bara í 20 mín. fjarlægð. Hægt er að sjá meira um staðinn á: http://www.kettelerhof.de/flash.html
Reyndar allt á þýsku en kannski hægt að ímynda sér aðeins hvernig þetta er. Við Unnur ætlum að koma myndum í tölvuna og á diska í dag. Ekkert að vera að flækjast neitt.

Við skelltum okkur aðeins á leikinn Svíþjóð-Grikkland í gær, þ.e. niður í bæ við stóra skjáinn. Náðum nú ekki miklu og bæði mörkin komu meðan að við löbbuðum niður í bæ! Óheppnar. Fögnuðum sigri Svía á ísstaðnum góða með Cappucino og Latte Macchiato + vöfflu með hindberjum og rjóma, mmmmmmmmmmmmmm

Ég fékk góða "frétt" áðan. Gerður "gamla" bekkjarsystir bað mig að vera vinur sinn á Facebook. Hrikalega gaman að heyra frá "gömlum" vinum. Ég elska það. Verst að margir "gamlir" vinir eru engin tölvufrík og erfitt að finna :) Hef allavega ekki fundið marga t.d. á Facebook.

Jæja, best að taka til morgunmatinn og vekja svo liðið. Reyndar eru strákarnir örugglega alveg búnir eftir hamaganginn í gær. Sjáum til hvernig til tekst að koma þeim á fætur.

Sólarkveðja (ennþá)